慢煮屋

营业中

休息中

今日同朋友敘舊食晚飯，搞搞新意思，去觀塘工廈幫襯吓食肆。Search左一輪，搵到一間位於駱駝漆大廈日式小店。餐廳裝修簡單，以簡約為主，冇乜花巧，但空間尚算充足，坐得幾舒服。美國牛板腱冷烏冬整份定食本身跟飯，+$10轉烏冬，有溫泉蛋，少許沙律，跟飲品或加錢配小食。牛板腱薄切，份量足，因為連住筋位有趙口之餘又唔會韌，燒到有少許窿邊，少少焦香，掛上醬汁啱啱好。慢煮雞胸冷烏冬健康減肥人士之選，慢煮雞胸一啲脂肪都冇，好嫩滑，蛋白質豐富，清清地，烏冬彈牙爽口。跟餐小食椒鹽雞翼兩隻新鮮即燒，上枱熱辣辣，味道可以，但係略嫌雞翼size比較細隻。燒三文鱼骨呢個份量比較多，雖然三文魚骨，但係都有啖啖肉，燒起嚟唔會太鹹，我值得推介。總括嚟講，質素唔錯，支持工廈小店，支持本地消費。