壹.01

营业中

休息中

星期六晚同老公去觀塘食台灣菜。餐廳2:30pm後做緊9折同埋特飲半價，仲要無加一，好抵食呀。壹.01芒果魯肉飯第一次見魯肉飯有芒果做配菜，但食落竟然無違和感，芒果單食都唔會酸，魯肉肥瘦適中，魯肉汁一定要撈飯食，岩晒重口味人士。薑蔥手撕雞飯真係爆多蔥同薑蓉，無骨既手撕雞同所有配料撈勻食最正。芋泥肉鬆蛋餅賣相吸引，芋泥綿滑帶甜，同肉鬆幾夾，蛋餅幾脆口。拉絲芝士火腿蛋餅芝士好大舊，真係拉到絲，呢個組合無得輸。台北夜市小食拼盤有鹽酥雞、台灣腸、花枝丸，鹽酥雞惹味，台灣腸好食，花枝丸彈牙。飲品叫左中size既古早奶茶(少冰少甜)同雙檸冬瓜茶。