影片
更多
2023-12-11
24 浏览
壹.01 One Point Zero One📍觀塘駿業街56號中海日升中心2樓D號舖 💰$58壹.01芒果魯肉飯 🥭🍛喺網上分享食評後，我發現自己嘅口味有好明顯嘅變化，比起以前好似多咗嘗試新嘢，甚至乎有時會試一啲睇落好奇怪嘅配搭。今次嚟到呢間人氣台式小店都唔例外，我一睇餐牌就決定叫呢個招牌芒果魯肉飯，一試嘗呢個新奇有趣嘅組合。佢哋盒飯容器唔算好高身，但可以喺自助點餐落單時自選飯量，令唔同食量嘅人可以按自己能力揀選飯量，減少浪費。呢個飯最大特色就係喺傳統魯肉飯上鋪滿芒果粒，香香甜甜嘅芒果能夠中和魯肉嘅油膩感，加埋爽口嘅榨菜粒同大量香蔥，食落滿滿層次感。呢個配搭不單唔奇怪，甚至令平時較heavy嘅魯肉飯變得輕盈，推介大家同朋友叫返碗嚟share！ 💰$43拉絲芝士火腿蛋餅 🧀呢道嘅蛋餅同我喺台灣食過嘅蛋餅唔同，佢哋嘅蛋餅質感好煙韌，食落有少少麻糬嘅，煙煙韌韌。中間夾住嘅蛋好薄，煎火腿夠香，芝士仲可以拉到絲！湯有別於一般嘅醬油膏，呢度嘅蛋餅係配千島醬食嘅，味道夠晒新穎。 💰$48炸鮮奶・芋泥二文治炸鮮奶由吐司麵包捲住內餡炸成，雖然鮮奶味唔太出，但夠熱夠滑溜，同外層嘅炸麵包對比鮮明，可以嘅想
📍觀塘駿業街56號中海日升中心2樓D號舖
[價錢 Price]
💰$58
壹.01芒果魯肉飯 🥭🍛
喺網上分享食評後，我發現自己嘅口味有好明顯嘅變化，比起以前好似多咗嘗試新嘢，甚至乎有時會試一啲睇落好奇怪嘅配搭。
今次嚟到呢間人氣台式小店都唔例外，我一睇餐牌就決定叫呢個招牌芒果魯肉飯，一試嘗呢個新奇有趣嘅組合。佢哋盒飯容器唔算好高身，但可以喺自助點餐落單時自選飯量，令唔同食量嘅人可以按自己能力揀選飯量，減少浪費。
呢個飯最大特色就係喺傳統魯肉飯上鋪滿芒果粒，香香甜甜嘅芒果能夠中和魯肉嘅油膩感，加埋爽口嘅榨菜粒同大量香蔥，食落滿滿層次感。呢個配搭不單唔奇怪，甚至令平時較heavy嘅魯肉飯變得輕盈，推介大家同朋友叫返碗嚟share！
[價錢 Price]
💰$43
拉絲芝士火腿蛋餅 🧀
呢道嘅蛋餅同我喺台灣食過嘅蛋餅唔同，佢哋嘅蛋餅質感好煙韌，食落有少少麻糬嘅，煙煙韌韌。中間夾住嘅蛋好薄，煎火腿夠香，芝士仲可以拉到絲！湯有別於一般嘅醬油膏，呢度嘅蛋餅係配千島醬食嘅，味道夠晒新穎。
[價錢 Price]
💰$48
炸鮮奶・芋泥二文治
炸鮮奶由吐司麵包捲住內餡炸成，雖然鮮奶味唔太出，但夠熱夠滑溜，同外層嘅炸麵包對比鮮明，可以嘅想食多件！
至於睇名都唔知係咩嘅芋泥二文治，原來係用餅乾夾住芋泥整食，賣相同口感都夠晒特別。少少哋，試到101嘅招牌芋泥之餘，又唔會過份飽濟，未食過嘅朋友不妨試試。
[價錢 Price]
💰$43
台北夜市拼盤
食台灣嘢又點少得小食拼盤？我哋叫嘅呢份台北夜市拼盤齊集夜市經典小食：台灣腸、花枝丸、鹽酥雞。
台灣腸比較一般台灣腸嘅粗，味道鹹中帶甜，唔會有太多肥肉。花枝丸好彈牙，裏面真係有一粒粒嘅花枝㗎。鹽酥雞粒炸得恰好，調味唔會死鹹，加上無骨，食起上嚟非常方便。
[價錢 Price]
💰$26
芝・紅茶
原價$40一杯嘅大size台式手搖，依家居然只係$26就飲到，真係好抵飲。芝士奶蓋奶味比芝士味濃，質感雖厚重，但淨食都唔會覺得好膩。紅茶茶底茶夠香醇，同奶蓋一齊飲，似飲緊變奏版、帶少少芝士味嘅台式奶茶，同我飲過嘅奶蓋茶唔同，都幾特別喎。
张贴
