九丁目日本料理

营业中

休息中

今日陪屋企人去完換身份証，一行出黎就見到間日本料理幾吸引，門口有粉紅色櫻花樹裝飾，好似去左日本咁，餐廳有室內同室外座位，有寵物既可以坐室外，食物有超多選擇，而且價錢非常親民。 特選壽司拼盤 呢個拚盤幾抵食，有6件壽司同6粒小卷，分別有三文魚、金鎗魚、油甘魚、鮮帶子、赤貝、海膽壽司和碎蔥吞拿魚腩蓉小卷。 金鎗魚腩壽司、鹿兒島A4和牛壽司 金鎗魚腩非常軟熟肥美，油脂分佈均勻，食落口啖啖魚油香味。雖然只係A4和牛，但亦入口即溶，牛味香濃。 牛肉壽喜燒 牛肉既份量係多得過份，壽喜燒味道鮮甜。 蝦雜錦天婦羅 (3蝦4菜) 天婦羅炸得好鬆脆，粉漿夠薄，有3隻蝦、南瓜、秋葵、蕃薯同埋茄子。