嚟食 (已搬遷) 新店位置

係大街掃咗一輪嘢食之後，行到差不多近海的那邊就想搵個地方坐低飲杯嘢。咁岩見到E間新開張冇耐而且有好多人食，原本已經準備好企喺隔離等位，但老闆好好，叫我哋留低電話，有位嘅時候就打返俾我哋咁我哋就可以喺附近行多陣先，都幾貼心話梅薄荷桔仔水🥤 $28原本有啲驚會好酸，但出到黎竟然神奇地夾，係酸酸甜甜的，好啱係好熱好曬嘅天氣飲，好消暑老闆仲好好，幫我朋友嗰支加咗啲梳打水，更加有消暑嘅效果～ 不過我本身唔鍾意有氣水，我覺得就咁飲仲正！嚟食香蕉卷 $30呢個有驚喜係新鮮炸起，熱騰騰的！而且外脆內軟，香蕉嘅味道亦好濃，又唔會覺得好飽！推介！嚟食沙嗲 $45三串有齊雞牛豬啱晒乜都想試下嘅我地！係長洲食串燒都係第一次，又覺得唔錯仲有伴碟嗰啲青瓜係成功減低我嘅罪惡感。總括而言，品質都唔錯個人特別推介飲品同埋炸香蕉卷。