古今二 (觀塘工業中心)

营业中

休息中

因為有嘢做要過嚟觀塘，就順便睇吓有冇咩好食，最後揀咗古今二。係工廠大廈入面，距離地鐵站都好近。星期六都有午市Menu👍🏻👍🏻，而且好多選擇，價錢大眾化。一坐低就會比一碗麵豉湯你飲自選湯麵併卷物$88 有醬油烏冬 正正常常，烏冬類似係稻庭烏冬，幾彈牙，唔會淋哂。費城卷（三文魚、芝士、牛油果）金龍卷（芝士、炸蝦、三文魚）雙拼卷物$68揀咗芝士炸蝦同埋龍捲風(鰻魚、芝士、脆片)一次過講吓啲卷物啦，首先賣相都好吸引，呢度我哋兩個人share平均都每人12件，唔覺唔覺食到好飽，卷物上面有啲醬汁、脆片，配搭得唔錯，不過我哋叫嘅幾款其實餡料都係差唔多，主要都係三文魚芝士炸蝦，所以食食吓都覺得味道差唔多。跟餐可以加$10 一件炙燒左口魚裙邊壽司，我哋encore前後叫咗四件，好肥美，好好食！加咗一份燒牛舌，呢一個好出色👍🏻👍🏻牛舌都算厚身，好有咬口！而且加咗啲醬汁，酸酸地咁樣，好開胃！😋😋餐廳都坐得舒服嘅，日本嘢來講價錢唔算貴，lunch仲要唔使加一，食物質素唔錯，所以都幾抵食。