美味苑

营业中

休息中

呢度係一間好有人情味嘅小店 ，老闆好健談會主動同我哋傾偈，仲分享咗好多故事，感覺好似同朋友食飯咁親切。餐廳有室內同室外位，夜晚涼涼地坐喺出邊，吹住風食飯真係幾正 。試咗招牌東山羊羊肉煲，見到隔籬枱食到津津有味就即刻跟風嗌 。好多餐廳過咗冬天就無羊腩煲，但呢度竟然仲有 。東山羊比起其他羊脂肪少好多，入口軟腍又 juicy。煲入面有羊肝、羊肚同羊肉，睇落細細煲，但係兩個人食好似夾極都仲有 。羊腩煲再配一大盤新鮮生菜同豆苗，湯底濃郁暖胃，超滿足 。另外點咗小炒王，蝦同魷魚彈牙，豆角爽脆，花生香口，調味啱啱好，食到停唔到，非常適合送酒 。