影片
以上资料只供参考，请与餐厅确认详情
食记 (44)
周末一心以为风打得成，点知雨都唔多滴，心情大靓可以出去行街食饭。游走西营盘探喵喵，晚上到街坊大的小菜馆吃饭。美味苑老板娘已经喺呢度经营咗20年，做到一大班街坊，店内位置唔多，所以你食饭最好都先行系预约，尤其有些菜式一定系要预订先至有得食。我哋就预订咗今日嘅重头戏手撕鸡平时喺出边食嘅手撕鸡只系面𠮶层系鸡肉下低全部都系用骨晾起，绝对唔会有呢个情况，因为真材实料，全走骨，碟上只有一丝丝嘅鸡肉，拌上麻辣、芫荽葱花炒花生，非常香口又惹味，超好味，记得要预订。时菜猪脚筋炒菜心垫底，猪脚筋切成一口体积，入口啱啱好，炆得入味、软稔亦带小许烟靭，没有猪臊味，具有以形补形之功用。凉瓜炒鲜鱿食得凉瓜嘅人都喜欢𠮶种甘苦嘅味道，以爆蒜和面豉酱调味，味道相对温和，没有盖过凉瓜嘅独特香味，鲜鱿火喉刚刚好，不靭和凉瓜是天造地设的一对。几乎每台客都会点这道菜菠萝咕噜肉大厨自家调制咕噜汁，系这道菜灵魂所在，咕噜汁甜酸有致，有刺后喉感觉，浓稠的酱汁将会一件排骨狠狠地包围着，炸排骨非常松化，炸浆厚薄得宜，非常高质，唯一投诉是菠萝较少。记得试老板娘每日亲自煲嘅时令饮品祛湿茯苓糕味道甘甘苦苦，饮之余仲食到啫喱状嘅茯苓膏，甜度非常低，有去湿解毒之功效，老板娘用心良苦了。
继续阅读
美味苑位处西营盘水街横街窄巷内，位置十分隐秘，门面亦不算起眼，除了贴上不少报章报导。入内空间不大，不规则地放了大概四张枱。菜式写在墙上，款式中有不少传统粤菜，简单的话可以先试其招牌菜式。 杏汁白肺汤 汤品一端上桌已经闻到浓浓的杏汁香气，杏汁汤带有沙沙杏仁碎，证明杏汁是生磨的。杏汁白肺汤的杏汁跟肉汤互相配合，杏汁清香而肉汤味道香浓，猪肺嫩滑与白菜胆的鲜甜提升杏汁的香气，此汤喝后令人感到很滋阴。 海鲜小炒王此小炒王与一般韭菜花炒的不同，四季豆芋头条油炸鬼花生与鲜鱿虾仁银鱼仔同炒，炒得香口干身。 菠萝咕噜肉 咕噜肉外皮松脆，与糖浆很夹。咕噜肉件头适中，炸浆亦不太厚，咕噜汁不厚不薄，刚好可以挂汁，酸酸甜甜与咕噜肉很匹配。 烧汁鳝球 鳝球厚身大件，没有炸过火，可以食到外脆内嫩，入口松化，嗜到鲜甜肉味。 豉油皇炒面 豉油皇炒面炒得十分干身，碟底完全无油，师傅小炒手势到家。
继续阅读
「美味苑」藏身西环横街窄巷，经营逾二十载，一砖一瓦尽是老香港韵味。主理人出身名店👨🏻🍳🍳镛记，手艺扎实，店内明星合照满墙，街坊熟客络绎不绝，处处流露温馨人情味。这家「街坊食堂」主打手工粤菜与镬气小炒，从酸姜皮蛋到腊味煲仔饭，每道菜都是师傅数十年功力的缩影 。🔥 必试招牌菜1️⃣ 酸姜皮蛋皮蛋流心+自家腌酸姜粒🫚，淋满糖醋汁，芝麻葱花辣椒碎铺满～酸爽开胃好正！🤤2️⃣ 杏汁白肺汤师傅每日手磨杏仁碎熬煮，汤色乳白浓郁，猪肺处理干净无腥，每一口都是润肺养颜的精华。附豉油蘸猪肺，贴心到极✨ 。3️⃣ 腊味煲仔饭上桌揭盖瞬间，腊肠油香扑鼻！饭粒分明，底层饭焦脆而不焦，淋上豉油拌匀，腊肉油脂渗入米香🍚 。 4️⃣ 西柠煎软鸡外酥内嫩，酸甜柠香酱汁完美裹附，芝麻添香，视觉味觉双重享受。5️⃣ 椒丝蒜蓉炒通菜🧄蒜味浓烈，🌶️红椒点睛，爽脆镬气足！ 🍯甜品6️⃣ 海底椰雪梨膏老板娘自制的膏状甜品，海底椰与雪梨熬出清甜胶质，入口滑嫩微凉。加入椰奶，奶香加上雪梨天然清香🍐， 双重味蕾享受 。 🌟 老店灵魂｜人情味与坚持店内陈设朴实，户外胶凳、旧式帐篷座位，恍如时光倒流。贴士：招牌菜需提前预订，建议电话确认！美味苑📍西环西营盘德辅道西296号荔安里8-10号地舖#香港美食 #港式情怀 #西环美食 #镬气小炒 #老字号 #煲仔饭控 #隐世小店 #食在西营盘 #留港消费 #支持小店 #香港滋味 🇭🇰
继续阅读
喺西环🚇横街窄巷入面呢间美味苑🇨🇳主打手工粤菜，主理人系以前系👨🍳镛记做过嘅老师傅，出品绝对👍信得过。呢度店仔细细🤏，陈设几有怀旧风味😊，嚟呢度嘅好多都系熟客，多款💪手工菜式更加系要提早预订。前菜镇江香醋浸皮蛋⚫️十分之香甜，皮蛋溏心味浓，镇醋酸🤤香唔呛喉，加埋菜脯同埋唔少嘅🧂砂糖，层次感满满💯！特色白卤水😋拼盘味道清香，唔会太咸😘，而且卤到又淋又入味🐷。杏汁白肺汤🥣炖到汤色好奶白，杏仁系佢哋😆自家磨制杏香扑鼻，🐖猪肺嫩滑无渣，饮落仲有粒粒杏仁粉末👏用料十足。招牌咕噜肉🍍即叫即炸，外皮脆到「咔嚓」声，🐷肉质松化唔油腻，酸甜汁调得啱啱好🥰，令人好开胃。酥炸生蚝🦪有大半只手掌咁大，炸粉薄脆，🤩咬开爆鲜多汁💦。海味杂菜煲🍲分量十足，入边有🦑鱿鱼虾米🍤同埋粉丝，清鲜味香☺️。见到隔离枱熟客一早预订咗🐓正宗糯米鸡同埋霸王八宝鸭🦆，份量超大而且呢啲传统手工菜💪买少见少，下次一定要叫😂成围人过嚟一齐试呀！
继续阅读
西环唔少横街小店，今日行过一间小店，见到好多明星合照相喺窗口，原来呢间舖头嘅主厨即系老板，系以前由中环镛记嘅大厨，佢喺度开店已经差唔多20年！虽然舖头冇华丽嘅包装，但系呢度嘅小菜又超过100款。同朋友一坐低，就问我哋有乜嘢唔食，食唔食辣等等！非常细心！我觉得好似去咗私房菜咁！杏汁白肺汤先上汤，今日嘅汤系杏汁白肺汤，师傅磨碎杏仁，将杏仁碎融入咗汤入面，饮出啖啖心机！补肺祛痰又美白养颜，要饮多两碗先得！黑椒炒鹿筋第一碟𩠌系黑椒炒鹿筋，今次系我人生中第一次食鹿筋！老板娘话鹿筋唔系采购自本地。所以出面真系好少有得食！香喷喷很惹味，鹿筋食落好有口感，加上黑椒汁渗入整道𩠌入面，再配搭四季豆，每一口都充满黑椒的浓浓香味！虾酱韭菜炒猪膶虾酱比较浓郁，韭菜花口感清爽，猪膶软嫩冇腥味！冷盘系紫甘笋由于紫甘笋系季节性，唔系经常有得攞货，我同朋友都系第一次食紫甘笋！佢嘅营养独特之处，在于抗氧化剂花青素的含量高，一于食多啲补下眼先！佢嘅味道好清甜，咬落去好清新配搭埋老板娘秘制嘅酱汁，好快就食清晒！煎蚝饼虽然煎蚝饼唔系打冷店𠮶种酥脆香口，但呢度嘅煎蚝饼一啲都唔输蚀！蛋香十足，而且一啲都唔肥腻！用餐时点下鱼露或泰式辣酱，食落就更加惹味！海鲜杂菜煲热辣辣嘅杂菜煲份量都好大，啱晒四个人食今日天气转冷真系啱晒时机！煲仔饭 烟熏土猪肉煲仔饭烟熏咗嘅土猪肉，有啲似西方嘅烟肉，食到最尾𠮶啖饭都仲有烟熏味喺个口腔里面！不得不提，佢哋嘅煲仔饭系冇落油，所以佢嘅饭焦非常香脆可口，饭焦仲烧到黄金色，真系吃得出心机！甜品海底椰雪梨糕老板娘用咗一晚时间去整，非常有心机！海底椰雪梨啱晒我呢啲长期喺冷气环境工作嘅人，又缺水，又要养生！老板娘建议可以加奶食，但系我觉得原汁原味已经好够味！
继续阅读