汐

营业中

休息中

日本嘢就係我嘅至愛，今次嚟到銅鑼灣嘅百樂中心度搵食，喺13樓有一間主打西日料理嘅餐廳「汐」。主打日系和式風格，設有榻榻米座位，同時提供西式和日式嘅料理。「夕陽富士山系列」就係日式魚生丼系列，我就叫咗明太子八爪魚配北海道刺身帶子 $138 同埋蟹糕甲羅燒配蟹籽及三文魚籽。叫得富士山系列係因為丼飯係富士山藍色，打卡咁十足。另外刺身方面都好新鮮，尤其是三文魚同埋帶子，夠晒鮮甜。如果唔鍾意食魚生丼飯，仲可以試佢哋嘅壽喜燒。充滿牛肉嘅肉汁同埋微甜嘅壽喜燒醬，用嚟餸飯都一流。另外食物仲可以升級做套餐，我自己就配搭咗飲品同埋甜品，價錢嚟講都好抵玩。