樂茶軒 (大館)

营业中

休息中

💡裝潢別致素菜館 假日去漫活一下，就去左大館行下，就順便去左大館嘅樂茶軒嘆茶，裝修好有古色古香，好有特色，而另外仲有戶外位置，而餐牌上點心均為素食，食物裝飾得好別致，成個感覺都好relax😆🍽紫菜腐皮(4片) 外皮煎到金黃色， 味道唔算太濃，岩岩好🍽香烤啡茹漢堡配炸番薯條呢個好juicy，估唔到素都咁好食，薯條亦好特別，香脆可口。🍽芥末蜜糖魷魚圈素魷魚圈肉質幾可亂真，估唔到用素菜都扮到真嘅魷魚圈一樣，食落外皮鹹酥香脆，沾上芥末蜜糖醬，好惹味😋🍽秘製豉油王炒麵炒得岩岩好，唔會乾身，好爽口，有芽菜及蘿蔔絲伴碟，加埋配製辣椒醬，香而不膩。🍽焗素蟹餅呢個素蟹餅好有驚喜，餡料真係幾似蟹肉，但係用左麵筋同腐皮做，加埋芥末醬一齊食，刺激味蕾😆🍽孜然彩椒羊肉串一上枱已經聞到孜然味，開頭以為真係羊肉黎，原來係用豆類做成，口感紮實，中間夾住三色椒、菠蘿同洋蔥，清新又層次豐富。🍽樂茶精選素湯是日精選素湯係蕃茄薯仔湯，好足料，飲落味道清甜。🍽蜜香紅茶冷泡茶淡淡清香蜜桃味，飲落好香。