裕泰牛什越南河

营业中

休息中

裕泰牛雜越南河牛雜河粉河粉幼身容入口，連五香牛雜汁一齊美味香滑。五香牛雜汁味厚帶清甜牛骨底味，再有神仙粉嘅配合，味道不同凡響。金錢肚有咬口未夠軟腍，草肚軟腍有香味好食，草肚真係比金錢肚更加濃陏味美。牛蒡味俗兼口感粗嚡，質素唔合標準。牛肺都夠軟腍，可惜缺乏牛味。肥牛腸香味四溢，又腍又香又好食。腐乳通菜通菜鮮嫩清爽，腐乳汁鹹味濃度調配啱啱好，簡簡單單通菜腐乳卻食味超凡，值得一食。檸檬茶檸檬夠多有茶色但茶味唔特出，水準一般。已經多次品嘗此店之食物，每次都有啲唔同，水準經常上上落落，今次牛雜及五香醬汁味道較淡，而且烹煮時間似乎未足夠，牛雜有咬口。粉麵店裝修傳統老積簡單，座位及空間非常狹窄，清潔程度一般，有待改善，店員及店主態度勤奮有禮貌。