裕泰牛什越南河

太子必食崩沙腩！早幾晚騎完馬玩得夜左，搞到本身想食個間餐廳都閂左門，所以男朋友就帶我黎太子呢間好出名食牛腩既茶記😂見都已經9點幾無咩選擇，所以就試下啦😂講真，一入到去，全部都係大叔😂個個都打量我，而且鋪頭有陣味🙈不過，既然男朋友係咁叫我試左先，我就硬著頭皮入左去😂💎崩沙牛腩撈粗麵 $48+$10一上菜既時候，比牛腩既分量嚇左一跳，真係好多！而且牛腩真心好食！唔韌，肉質淋，仲好有肉味！麵下面仲有好多條生菜！真係好驚喜~ 如果食湯麵只係$48! 我覺得呢個價錢真係無得輸‼我地仲叫左牛什河同炸魚皮，但由於太肚餓唔記得影相，不過真係好抵食！！呢度仲要開到凌晨5點，真係夜一夜都唔怕無野食！！🌟項目評分環境氣氛 💎💎💎/5服務質素 🌸🌸🌸/5食物質素 😋😋😋😋/5性價比 💰💰💰💰💰/5裕泰牛什越南河太子大埔道70號太子中心地舖…查看更多

裕泰牛雜越南河牛雜河粉河粉幼身容入口，連五香牛雜汁一齊美味香滑。五香牛雜汁味厚帶清甜牛骨底味，再有神仙粉嘅配合，味道不同凡響。金錢肚有咬口未夠軟腍，草肚軟腍有香味好食，草肚真係比金錢肚更加濃陏味美。牛蒡味俗兼口感粗嚡，質素唔合標準。牛肺都夠軟腍，可惜缺乏牛味。肥牛腸香味四溢，又腍又香又好食。腐乳通菜通菜鮮嫩清爽，腐乳汁鹹味濃度調配啱啱好，簡簡單單通菜腐乳卻食味超凡，值得一食。檸檬茶檸檬夠多有茶色但茶味唔特出，水準一般。已經多次品嘗此店之食物，每次都有啲唔同，水準經常上上落落，今次牛雜及五香醬汁味道較淡，而且烹煮時間似乎未足夠，牛雜有咬口。粉麵店裝修傳統老積簡單，座位及空間非常狹窄，清潔程度一般，有待改善，店員及店主態度勤奮有禮貌。…查看更多

深水埗牛雜大戰的最後一站，就來到了裕泰，雖然說這裏提供越式牛肉河，但還是以牛雜和牛腩作為我的首選，湯頭比之前吃的嵩記及明興味道較濃，還以為會是Pho般清爽。不過河粉真的值得一讚，除了比較油亮而不會黏在一起之外，吃起來起口感是三間最爽的，也沒有因為越式牛河的做法而用上較幼細的河粉，因為後者吃起來容易糊化，處理不好也會更細碎。牛腩選擇崩沙腩，吃得出裙邊的彈性和中間的爽嫩，處理沒有問題，牛雜職業牛腸處理得最出色，保留的肥膏也最多，但牛肺則比較韌，穩定度不是最好，但印象也算是三間中比較深刻的。The final stop in the Sham Shui Po beef offal battle is Yue Tai, known for its Vietnamese beef noodles but also excelling in beef offal and brisket. The broth is richer than expected, contrasting with the typical light Pho. The rice noodles stand out for their non-sticky texture and superior mouthfeel. The brisket, specifically the “poon sa naam,” offers a perfect balance of tenderness and chewiness. Among the offal, the tripe is exceptionally well-prepared with retained fat, though the lung is slightly tough. Despite some inconsistencies, Yue Tai leaves a lasting impression among the three establishments visited.…查看更多

大埔道牛腩牛雜店有三間，之前做咗資料蒐集，發現裕泰係最多人比好評，之前已經去過一次，覺得唔錯唔錯，今次再次去到附近，心思思諗緊會唔會試其他，食過好味，都係去返同一間吧😂同樣地，都係一碗牛雜河，同埋一碗牛腩河。不過今次牛腩河就試佢哋嘅越南湯底，越南湯底又唔少洋蔥同蔥，仲有兩片檸檬，不過感覺味道偏鹹，下次嗌返普通牛腩汁湯底吧牛雜份量很足，牛肚牛小腸牛湯牛膀，牛肚都有草肚同金錢肚。牛腩方面，肥瘦均衡，牛味濃郁。兩款都十分值得推介👍🏻…查看更多

今日放假經過太子，隻腳就不期然想走去裕泰，因為佢啲牛腩牛雜真係令你念念不忘！今次坐低，循例都問吓有冇崩沙腩？咁當然係冇啦！其實我已經習慣咗，最後都係叫肥瘦腩米，坦白講，有時覺得佢啲普通牛腩其實都唔差！冇必要崩沙腩！呢度係快靚正，坐低唔使一陣間，本牛腩就送到，而且呢度永遠都有人，貨如輪轉去形容真係冇錯，所以呢度啲牛腩嘅流轉速度真係好高，啲牛腩自然好食啲、新鮮啲！講返今日碗半肥瘦腩米，一月以往嘅好食，肯定唔係最靚嘅部位，但係師傅都滷得好好食，軟硬適中，咬落去啲牛脂，充滿着啖啖嘅牛香！正！而且我好鍾意呢度嘅辣椒油！加咗好多蒜，而且冇過多嘅調味，反而突顯咗佢嘅味道，配埋本身嘅湯同埋牛肉，真係好正！…查看更多

地方細細但都坐滿人，點餐三分鐘已經有嘢食，有嘢飲，牛雜米粉，牛腸嘅油脂香最令我回味，牛肺牛膀都好食，還有自製辣椒油，$37連凍檸茶，真係超抵👍🏻下次一定要嚟試崩沙腩，勁多人叫…查看更多

崩沙牛腩拼牛竹腸米粉（$55）凍檸檬茶（+$5）有六件崩沙腩，而且切得都算大件，肉質軟身但有咬口，肉味亦有，筋膜爽口，一整件放入口食，口感十足；牛竹腸有六舊，睇相已經見到是如何肥美（真心邪惡，但愈邪惡愈好食），牛腸衣包住滿滿嘅牛膏，正（但真係唔可以成日食）；湯底味道正常，少少油但可接受；米粉份量足。只收現金。…查看更多

有時經過旺角太子，都會忍唔住去呢間牛腩店，未入到去舖頭，你只要經過，就一定聞到佢隻牛味，間舖頭永遠都咁多人，但係人流流轉得好快，所以你一定有位，當然呢度啲環境真係麻麻地，而且坐得好唔舒服，但係價錢真係平！質素又真係好高！次次去到都想睇吓有冇崩沙腩，但係真係出得好少，今次又係食唔到，不過佢啲普通牛腩都好正，一樣好有牛味，所以難怪成條街咁多間牛腩店，佢都屹立不倒！而且老闆好有人情味，知你買唔到，佢都會問你有冇興趣食啲特別嘢！試過食脆骨，都好好食！今次就食牛X！開頭唔係好敢食，試咗又幾特別！總之我經過一定會幫襯！正!…查看更多

今日有食神，幫襯咗「裕泰」咁多次，終於食到佢嘅牛脆骨了。牛脆骨拼牛竹腸幼麵（$42）汽水（+$5）牛脆骨厚實、唔硬、脆身、爽口，軟骨邊位再痴住少少肉，勁有口感。牛竹腸指明要肥腸，腸皮夠腍唔韌，牛脂甘香，回味無窮，如果唔係怕健康問題，真係想食多幾舊。牛面珠拼牛沙瓜米粉（$42）牛面珠膠質重，兼帶有牛味濃嘅肉，雙重口感。牛沙瓜口感類似豬肚，少少腍又少少爽。最後講埋湯底，清得嚟又夠味，最重要唔油膩，同埋飲完都唔會勁口渴。…查看更多

早兩個禮拜喺附近食到一間羊肉粉，有少少炒車又食唔飽。沿路行過去太子嘅時候聞到一陣好濃郁嘅牛味。就記掛住呢一間舖頭，又咁啱再落開深水埗就試一試佢個水位如何。唔需要多揀，直接嚟碗腸腩河，凍檸茶走甜。另外加咗份炸魚皮，姐姐掉低在個白膠袋一個吉碟，個白膠袋裡面載住魚皮。雖然冇賣相可言，但係都幾好食，又夠脆口。碗粉黎就第一時間試吓個湯底，賴嘢有啲淡，唔通之前聞到嘅牛味係幻覺？咁就唯有再加個辣椒油調一調味，反而個辣椒油做得幾好，辣得黎幾有層次。啲牛腸就有啲肥，牛腩幾嚿都一絲絲肉有啲鞋。跟住有啲賴少少筋膜就好返少少。整體還算可以吧，但都係唔明點解叫越南河，完全無越式感覺。…查看更多

我喜欢他们家的云吞越南河，好好吃。就是有点辣，要和説少加一点辣，就可以不辣了。云吞的包的好好吃，里面有一只大虾米。河粉也可以。洋葱圈，柠檬片放汤里，还挺有意思的嘛！不过洋葱圈和汤底还有进步空间。我期待有好好吃的卤汤。…查看更多

來光顧貴店，點了牛肚，和廚師指了細細的粉，服務員告訴我是豆粉。真的好好吃！！！我還加了白切雞。一整個美味住了。管飽，還難得的不會膩，我吃牛雜容易膩，但這次來這家不會，味道不錯。然後我來的時候是周二晚6點，人沒有很多，用餐体驗好好。看得出來廚師的刀工很好，我吃飯時看廚師切菜是种享受。廚師在門口那做菜就還挺放心的…查看更多

裕泰呀裕泰，咁多人推介你所以特登由深水埗行落太子試下，裝修比較簡單似普通小店，價錢親民單拼32蚊雙拼加多10蚊，以宜家嘅開飯指數嚟講算係抵食，不過平還平最緊要係好食先得㗎。第一次食穩陣啲叫個牛腩腸肺河最緊要多葱，牛腩果然唔錯，甘香夠冧味道夠濃，不過如果係傳說中嘅崩沙腩可能就更加不得了，可惜一早已經售罄食唔到～下次啦，湯底有牛味帶點甘香，可以一飲到底，最後只係嫌牛腸裏面太肥太多肥膏，如果單拼只係三條二性價比算高.....🤩😊😋，下次再嚟試下佢嘅越南湯河先......😁😁…查看更多

中午十二時嚟到，間鋪頭空間狹窄，只容得下10個客人左右。叫咗牛雜越南河。牛雜間間靚，特別係件牛膀，鬆化軟爛。河粉不過不失。最令人失望係個湯頭，一陣味精味，食完碗河口渴的不得了。最佳選擇係叫淨牛腩或牛雜外賣返屋企舒適地嘆。…查看更多

平時食開嵩記，今日身痕過去裕泰試下佢（本來係兩叔姪）$45碗崩沙腩麵（我叫咗米粉），外賣加$1價錢好合理，地方淺窄少少，所以叫外賣返office 食入正題，$45 7件崩沙腩，夠化，但唔夠入味，唔夠香🥲啲米粉碎濕濕，夾都夾唔起湯嘅味道唔夠香、唔夠濃，食到尾飲少少湯頭就知辣椒油唔夠香，無味，成包倒落去都唔辣🙃（我食過最好食辣椒油嘅暫時仲係澳門梓記，當然，佢個腩都好好食）如果真係再去食，可能就食返淨腩淨牛什🥲不過應該會食返嵩記或者試埋明興🙊…查看更多