影片
更多
2015-07-30
10904 浏览
久仰The Market既大名了，聽講而家係要早幾個月訂定，而且好多人食過都讚，今次襯住partner生日終於可以一試。早一日已經有職員打黎confirm booking，會講清楚收費，仲提我而家冇龍蝦食，轉左其他野食。生日既話係可以叫職員幫你留一件蛋糕，可以寫字既，去到時叫佢上就ok。訂左7點半，差不多時間去到，d職員既禮貌係值得一讚既，好快就安排位置。感覺地方唔太大，因為早已知道張枱會離野食較遠，但其實都唔算太遠水路。去到已經被最近門口既甜品section吸引，甜品對面係水果、沙律吧、芝士之類，再行入去就有壽司刺身同其實熟食。食之前已做定功課，即刻拎左評價唔錯既中湯。湯用瓦碗裝住，拎既時候因為仲好熱，廚師好細心換左個蓋，開既時候就唔會燙手。飲落非常清甜，而且一滴油都冇。海鮮方面我淨係食長腳蟹，呢度既長腳蟹食得出比較新鮮，肉質夠爽而且冇腥味。壽司同刺身選擇不算太多，值得一提既係三文魚刺身好新鮮，而且切出黎既部位都比較肥美。熟食既選擇都唔多，只揀得落意大利飯、芥蘭、香煎魚柳同煙鴨胸。意大利飯同菜都算正常，但魚柳同鴨胸真係幾難食，魚柳肉質係散既，仲有陣怪怪既油味，鴨胸韌到不得了，而且係淡
久仰The Market既大名了，聽講而家係要早幾個月訂定，而且好多人食過都讚，今次襯住partner生日終於可以一試。
早一日已經有職員打黎confirm booking，會講清楚收費，仲提我而家冇龍蝦食，轉左其他野食。生日既話係可以叫職員幫你留一件蛋糕，可以寫字既，去到時叫佢上就ok。
訂左7點半，差不多時間去到，d職員既禮貌係值得一讚既，好快就安排位置。感覺地方唔太大，因為早已知道張枱會離野食較遠，但其實都唔算太遠水路。
去到已經被最近門口既甜品section吸引，甜品對面係水果、沙律吧、芝士之類，再行入去就有壽司刺身同其實熟食。
食之前已做定功課，即刻拎左評價唔錯既中湯。湯用瓦碗裝住，拎既時候因為仲好熱，廚師好細心換左個蓋，開既時候就唔會燙手。飲落非常清甜，而且一滴油都冇。
海鮮方面我淨係食長腳蟹，呢度既長腳蟹食得出比較新鮮，肉質夠爽而且冇腥味。
壽司同刺身選擇不算太多，值得一提既係三文魚刺身好新鮮，而且切出黎既部位都比較肥美。
熟食既選擇都唔多，只揀得落意大利飯、芥蘭、香煎魚柳同煙鴨胸。意大利飯同菜都算正常，但魚柳同鴨胸真係幾難食，魚柳肉質係散既，仲有陣怪怪既油味，鴨胸韌到不得了，而且係淡既。
食佢地既熟食食到頹頹地就試甜品，甜品反而非常有驚喜！先講有五款奶凍，我試左其中四款，百利酒同綠茶都有翻兜，勁滑之餘，抹茶奶凍既抹茶味係超濃！仲試左榴蓮芝士蛋糕，不得了，食落成口都係榴蓮肉，原來芝士同榴蓮都可以咁夾！不過係會有少少濟，一兩件就夠喇。抹茶蛋糕中間夾住一層榛子醬，一食落又係勁重抹茶味，仲好creamy，但都係會較濟。
其實仲有movenpick既雪糕，但太飽所以今次就冇食到了。
整體黎講The Market令我有點失望，每位$648再加一，盛惠$713，呢個價錢黎講食物選擇實在太少，而且熟食既質素絕對有待改善，只係甜品比較出色。可以一提既係侍應既服務態度非常好，有笑容之餘仲好快會清左唔要既碟。如果有機會都只會再試平一半既lunch buffet，晚餐就唔洗客氣了。
张贴
