金公館 (彩明商場) (已搬遷) 新店位置

陪媽媽行彩明街市，中午就揀左樓上金公館食lunch.飲個茶食件點心炒個小菜都非常合適。招牌菜一定系酸菜桂魚片，我地決定試一試。點心紙幾十種點心，相當豐富，價錢也很親民，晤怪得咁多街坊過來飲茶。酸菜桂魚片，一個字，贊！魚肉嫰爽，高質，且份量不小氣，酸菜湯底非常滋味，酸得開胃，酸得有特色。尤其系四川粉皮，Q彈有韌性，口感一流！一定不要錯過。北方餃子，估唔到咁大隻！皮薄餡飽滿，正！擔擔麵走辣，麻醬湯底略帶胡椒香味，麵爽口。其他點心都實惠高質，餐廳很有誠意！腸粉細緻，蒸排骨新鮮熱辣，連甜品桂花杞子糕都色香味俱全。