半島漁港/阿翁火鍋館 (南昌薈)

营业中

休息中

今晚星期六，同朋友去左南昌薈既半島漁港酒樓食晚飯，鄰近地鐵站，附近有戲院，算方便。七點晚飯時間，吾算多人，全場2/3左右，可能客吾多，店員服務都ok，經常睇我地有咩需要。我地5個人，叫左4-5人晚飯優惠套餐，海蜇燻蹄，豆腐海皇羹，燒味雙拼（叉燒+燒腩仔），剁椒蒸大鱔，海味雜菜粉絲煲，四季野菌牛柳粒，白飯白粥任裝，包甜品。份量都吾算少，最後我地係有剩既🙈不得不提係佢個燒腩仔同蜜汁叉燒……燒腩仔皮有少少焦脆感覺，肉質軟而稔，肥瘦均勻，加上黃芥末，惹味！而蜜汁叉燒我都真係幾推薦，肥瘦適中，醬汁味道剛好，入囗竟然有小小鬆軟融化既感覺，係驚喜既，若然有燶邊再錦上添花。而剁椒蒸大鱔上菜就都真係幾靚仔，紅紅綠綠配襯荷葉底，未食已經視覺贏哂，味道都吾錯，魚肉質軟滑帶少許彈牙，微小辣度可以接受。最後可能都真係份量太多，定我地細食，有剩少小😅總結，不過不失，經過可以一試。