影片
曾经去湾仔分店食过晚饭,没有开瓶费,今日下午想在南昌荟食,都专登打电话去酒楼问有没有开瓶费,听电话的服务员答话唔收,我问佢系什么名字,好等我到店时找她可以方便安排,但她只回答话你今晚嚟度就有位,唔使book,点知去到门口一问服务员,佢话要收100蚊一支开瓶费,我就将电话查询的过程话佢知,以我了解是不收开瓶费的,但她说不是她听电话,并回答:收100蚊一支开瓶费
继续阅读
5月9日大仔仔仲记得世上祇有妈妈好，所以在此酒楼提早为靓妈庆祝一年一度伟大的母亲节，顺带请埋揾食肥华呢个肥爸食晚饭。今餐大仔仔在此酒楼所点嘅食品，(一)秘制靓义烧(二)沙姜鸡脚(三)镬仔爆尖椒猪颈肉(四)芥兰炒牛肉(五) 原只脆皮咕噜肉，呢几款，食品，此店做得非常出色，全是高水准出品。加上今晚此店虽然有爆场盛况，但各侍应员工，个个尽忠职守，换骨碟，加茶水，上菜速度和服移顾客态度都做得非常好，真喺值得一赞美味嘅食品，优质嘅服务，令此餐由大仔仔做东嘅颂母宴攞尽满分。👍🏻👍🏻👍🏻👍🏻👍🏻👍🏻
继续阅读
皓哥生日🎂，拣咗南昌荟半岛任食火锅🍲庆生🎉，$298一个，都八成满，枱都大。五个人可拣两个锅，拣咗猪骨锅同药膳锅。开始先就混酱，个人钟意大量蒜头同少量辣椒🌶️。出去任饮柜，选择唔多，有啤酒🍻，我拣咗罥屎香柠檬🍋茶。随枱送海鲜拼盘、刺身拼盘同肥牛拼盘。海鲜拼盘有蛏子、花蟹、虾、扇贝、鱿鱼🦑同生蚝🦪。刺身拼盘有三文鱼🍣、带子同赤贝。刺身都新鲜，三文鱼腩肥美。生蚝大只，要碌熟先食得，一咬皓多汁，蛏子就比较细只，蟹🦀同虾新鲜都要慢慢剥壳，可以😌叫侍应俾钳。肥牛正，食到饱。再叫其他食物🥘，虾🦐滑同墨鱼🦑滑正，响铃🔔唔够脆，再叫既肥牛就冇第一☝️水送既咁靓。云吞大粒正。最后食菜。店员主动加汤收嘢。生日免费🆓（最少5人送生日1人）
继续阅读
半岛渔港（深海龙趸专门店）地址：南昌荟1楼F102铺个个都话依家香港啲餐厅服务态度差，但其实都有好多好有心嘅经营者，平时都有嚟呢间半岛渔港饮茶，今次同屋企人聚餐就过嚟食晚饭，6点半到见到入边已经坐超过一半人，原来有得打边炉放题，仲有好多晚市套餐优惠！部长服务周到主动，态度劲好！优惠四宝：~油泡龙趸球记得嚟得专门店，龙趸就一定唔可以错过，佢哋有两味做法，呢款就味道偏清淡、干身，鱼肉弹牙新鲜，冇谂到呢个价钱可以食到咁高质嘅龙趸，老人家都好中意。~蒜子陈皮蒸头腩另一个做法就系呢个特色啲嘅，我个人俾我拣我会更加中意蒸龙趸，肉身相对比较滑，而且头腩本身有一层比较爽口嘅外皮，肥美得嚟保留咗原本龙趸嘅鲜味。蒜子陈皮可以话系呢道菜最特别嘅点睛之笔，吊味之举，屋企人一致认为呢款必食！~头抽皇焗海虾海虾肥美，啲壳易剥，证明都好新鲜，份量啱啱好，每人可以食到3只。~鲍鱼玉掌煲原只鲍鱼有四粒，每人一粒啱啱好，小朋友好中意啲酱汁，捞饭一流！佢个鸭掌真系吮到回味，大大只又入味。~1蚊文昌鸡全晚最惊喜系呢个𩠌，本身以为一蚊鸡应该唔会太大只，点知又大只又靓，好彩全家人都好大食，满足到不得了，仲可以拣烧猪或者其他，不过就份量细啲。我哋食到七点几，成间铺头已经满座咁制，原来佢哋平日都咁热闹，我哋埋完单准备走𠮶阵，侍应仲提我哋有送甜品红豆沙，叫我哋唔使急，一人一碗大大碗红豆沙，体验嚟讲，呢餐饭系满分到不得了，无可挑剔，下次上嚟试下打边炉先！
继续阅读
过年嘅时候叫个三千几蚊嘅套餐，8个人食，鱼翅海鲜汤竟然用冰鲜海鲜嘅带子同虾🙁饮落口好腥，炸蟹钳唔够热同食落去亦唔新鲜，冬菇炆鹅掌，一啲都唔入味，汁同啲材料好似分开咗咁，个炒饭竟然嚟到嘅时候系一啲都唔热，超失望！😩套餐亦都冇包嘢饮，真系同几个朋友食完大家都讲三千几蚊唔知食紧啲乜，真系难怪啲人唔留港消费😓以后都唔会再去
继续阅读