반찬앤쿡 Banchan and Cook (東薈城名店倉)

营业中

休息中

生活終於逐漸回復正常，終於可以去行下山。今日去左行鳳凰山，去之前就醫醫肚先。呢間鋪頭之前見銅鑼灣都有分店，但無機會食，而家啱晒啦，食飽先出發。今日叫左幾樣野：烤牛肉蛋包飯 - 蛋包飯極力推介，佢蛋包整得好靚，店員仲會問一問我地要唔要影相先幫我地切開個蛋包飯。黑毛豬面肉卡邦尼意粉 - 比起市面嘅卡邦尼意粉有少少唔同，因為佢個煙肉真係食得出黑毛豬味道。泡菜豬肉煎餅 - 傳統韓式食物，佢整到好似小食size一人一塊剛剛好。韓式炸雞 - 蜜糖醬配合炸雞，味道傳統。但下面有大量薯條，早知減一個主食都得。雜莓窩夫 - 呢個純粹口痕想食甜品先叫，都係靠得住嘅。