Pizza Piazza (已結業)

係d2行完街，求其去左附近食西餐，估唔到入邊野食唔求其。好彩黎得早，食到一半見到都幾多人排隊。原來間野都幾多人食。叫左個安格斯牛扒lunch set黎食。餐湯都幾靚，精緻。配埋麵包一齊食，正！個麵包仲好熱，香脆。牛扒終於黎啦，份量都幾大。叫左五成熟，牛肉味道好鮮甜，質感柔嫩，食既時候仲好多水份。仲有番薯薯條，真係第一次食，甜甜地，好得意！有創意既！今次求求其其入左一間西餐廳，估唔到味道幾正！之後叫多左個甜品黎食。檸檬芝士蛋糕。芝士質感有少少彈性，同之前食過既芝士蛋糕唔同，呢個質感我鍾意。同埋士多啤梨係甜既！每次食士多啤梨甜品都食到算士多啤梨，今次呢個甜既！味道同蛋糕好夾！好幸福既一餐。叫埋個凍hazelnut latte。行完街係間西餐廳hea下飲杯凍咖啡，個感覺真係冇得頂！好好飲既一杯咖啡。以為開係荔枝角既餐廳唔會好食到邊。只可以講間餐廳好有心思，難怪星期六工業區冇人返工都咁多人黎幫襯。今次食完，係值得既，下次再黎。