影片
更多
2023-02-26
138 浏览
最愛食生蠔🦪😍今次去食日本生蠔放題，朋友介紹中環喜多嬉任食日本北木島蠔，就係擺花街一號廣場地舖，係Donki旁邊行上去就係啦，入到去好有日式居酒屋嘅感覺放題有60分鐘或90分鐘選擇，我地緊係揀90分鐘啦，當中有喜多嬉牡蠣刺身、烤牡蠣、燒帆立貝、串燒、烏冬，茶漬飯等等，另外有多款冷泡茶類，汽水飲品🍵一開始會先上九宮格前菜，相當吸睛😍款式會因應時令改變九宮格～喜多嬉九品🟠日本直送象拔蚌刺身🟡二色燒活白鰻🟠天婦羅秋葵🟡天婦羅紫蘇葉吞拿魚蓉🟠手工月見燒鳥丸🟡日式漬物🟠時令沙律🟡喜多嬉牡蠣茶漬飯呢個九宮格非常精美，首先食返個時令沙律清新一下再食其他，象拔蚌刺身好鮮甜，白鰻彈牙有口感，充滿魚香，吞拿魚蓉配上天婦羅紫蘇葉，同時咬落去口感又脆又軟😋，日式雞肉串入面有粒粒嘅雞軟骨，再配上日式生蛋汁味道一流。茶漬飯係以牡蠣嘅高湯製成，所以每粒飯都充滿精華。今餐嘅主角當然就係牡蠣刺身🦪餐廳所有牡蠣都係由北木島喜多嬉牡蠣養殖場直送到港🛩️，保證新鮮😊牡蠣非常Creamy，仲有淡淡的海水香味充滿整個口腔，隻隻都手掌✋🏻咁大呀，講明生蠔放題，梗係可以繼續encore啦，仲可以根據自己嘅口味配上土佐酢啫喱、辣蘿蔔蓉和
最愛食生蠔🦪😍今次去食日本生蠔放題，朋友介紹中環喜多嬉任食日本北木島蠔，就係擺花街一號廣場地舖，係Donki旁邊行上去就係啦，入到去好有日式居酒屋嘅感覺
放題有60分鐘或90分鐘選擇，我地緊係揀90分鐘啦，當中有喜多嬉牡蠣刺身、烤牡蠣、燒帆立貝、串燒、烏冬，茶漬飯等等，另外有多款冷泡茶類，汽水飲品🍵
一開始會先上九宮格前菜，相當吸睛😍款式會因應時令改變
九宮格～喜多嬉九品
🟠日本直送象拔蚌刺身
🟡二色燒活白鰻
🟠天婦羅秋葵
🟡天婦羅紫蘇葉吞拿魚蓉
🟠手工月見燒鳥丸
🟡日式漬物
🟠時令沙律
🟡喜多嬉牡蠣茶漬飯
呢個九宮格非常精美，首先食返個時令沙律清新一下再食其他，象拔蚌刺身好鮮甜，白鰻彈牙有口感，充滿魚香，吞拿魚蓉配上天婦羅紫蘇葉，同時咬落去口感又脆又軟😋，日式雞肉串入面有粒粒嘅雞軟骨，再配上日式生蛋汁味道一流。茶漬飯係以牡蠣嘅高湯製成，所以每粒飯都充滿精華。
今餐嘅主角當然就係牡蠣刺身🦪餐廳所有牡蠣都係由北木島喜多嬉牡蠣養殖場直送到港🛩️，保證新鮮😊牡蠣非常Creamy，仲有淡淡的海水香味充滿整個口腔，隻隻都手掌✋🏻咁大呀，講明生蠔放題，梗係可以繼續encore啦，仲可以根據自己嘅口味配上土佐酢啫喱、辣蘿蔔蓉和蔥花，能夠帶出牡蠣的鮮味，本來以為自己可以食到兩打生蠔🤣但因為每隻生蠔都好大隻，又肥美又Juicy，最後都食咗一打🤭
烤牡蠣及烤帆立貝
除咗牡蠣刺身出色之外，烤牡蠣都有另一番風味😆 烤牡蠣飽滿又肥美，蠔身脹卜卜，裏面鮮甜爆汁🤤餐廳仲有準備XO醬、蒜蓉醬、泰式辣醬可以自己調味，不過我就鍾意原汁原味多啲。帆立貝都燒得好好，原汁原味非常鮮甜。
日式串燒
全部即叫即燒🔥，當中最鍾意就係燒羊肉，羊肉騷味唔會太過，肉味好香口，另外就係燒雞腿肉都好正，雞皮燒到脆卜卜，另外仲有燒秋葵、墨魚、雞心、七里香串、蕃薯仔等等，簡單加啲檸檬汁已經好好食。烤味醂魚乾都係必點之一👍🏻
牡蠣秘制撈五島手延烏冬/湯烏冬
其實食咗咁多嘢都已經飽飽地，不過大家一定要記得試下兩款烏冬，烏冬係比較幼細嘅一款，而且口感柔滑，加上蠔肉湯底，味道份外鮮甜😊我就比較鍾意撈烏冬，因為沾滿秘製醬汁，如果唔係咁飽，我都會再食多碗😝
🦪今餐非常大滿足，完全係狂食蠔嘅一餐🤤，已經會晒本啦😆冇諗過放題任食嘅蠔質量會咁高，鍾意食蠔嘅你，快啲book位啦☎️
张贴
