麵屋神匠

营业中

休息中

今晚係旺角睇完醫生，順路去咗麵屋神匠醫肚！叫咗個神匠二人套餐，試勻佢既招牌拉麵同沾麵，再加份小食，滿足感爆燈﹗極上蟹白湯拉麵濃厚嘅蟹鮮味湯底撲鼻而來，湯汁濃厚綿密，掛滿每條彈牙拉麵，仲有大大塊慢煮叉燒同溏心蛋，蟹肉絲份量足料。神匠蕃茄蝦湯沾麵蕃茄嘅酸甜同蝦湯嘅濃郁非常驚喜，沾麵汁熱辣辣，冷麵條勁道十足，蘸汁食層次感豐富，蝦味鮮明又唔會蓋過蕃茄清香，夏天食真係好開胃。日式炸餃子外皮脆而不油，肉餡多汁，點少少醋已經好正。餐廳由7月25日至8月25日舉辦緊動漫節活動！消費後於門市打卡仲有機會嬴到✈️雙人日本來回機票同全年免費食拉麵。