影片
更多
2018-10-11
150 浏览
朋友岩岩落機，係菲律賓返香港，一齊去到大館睇展覽，順便聽朋友Ｋ吐下苦水，咁難得聚下，就搵個地方慢慢摸住酒杯傾計，食放題亦係再好不過既選擇，見到Facebook有人介紹呢間Fumi，有齊壽司放題又有酒飲，不妨一試。每人先叫左一杯特制既cocktail，右邊用上蘋果汁做base，加上清酒﹑燒酎等，配以青檸，好易入口，味道清爽開胃，而左邊係友人叫既，士多啤梨味好出，再加少少紅酒，兩杯同樣都好岩女仔飲。首先係廚師推介既頭盤，有海膽吞拿魚蓉三文魚子壽司，每片海膽都相當飽滿，而且好新鮮好creamy，加上吞拿魚蓉，同脆脆既三文魚子，帶有少少鹹香，令味道有多種層次，唔錯。小食就有枝豆，簡單既枝豆只係加左鹽去調味，好適合送酒。而套餐亦包括每人有兩件特上壽司，我地就揀左中拖羅同海膽，中拖羅脂肪較少，相對上魚味較濃，入口有鮮魚香同濃濃肉味。特上海膽壽司同樣亦相當鮮甜，不過就冇廚師推介既creamy，反而多左陣海水既清甜味。而雜錦天婦羅盛有多款炸物，例好海蝦﹑秋葵﹑粟米仔﹑茄子，天婦羅外層既炸粉好薄，海蝦非常鮮甜彈牙，而秋葵唔會炸得太乾，入面仲有好多汁，加埋蘿蔔蓉同天婦羅汁，令到炸物既味道唔會太膩。至於串燒
每人先叫左一杯特制既cocktail，右邊用上蘋果汁做base，加上清酒﹑燒酎等，配以青檸，好易入口，味道清爽開胃，而左邊係友人叫既，士多啤梨味好出，再加少少紅酒，兩杯同樣都好岩女仔飲。
首先係廚師推介既頭盤，有海膽吞拿魚蓉三文魚子壽司，每片海膽都相當飽滿，而且好新鮮好creamy，加上吞拿魚蓉，同脆脆既三文魚子，帶有少少鹹香，令味道有多種層次，唔錯。
小食就有枝豆，簡單既枝豆只係加左鹽去調味，好適合送酒。
而套餐亦包括每人有兩件特上壽司，我地就揀左中拖羅同海膽，中拖羅脂肪較少，相對上魚味較濃，入口有鮮魚香同濃濃肉味。
特上海膽壽司同樣亦相當鮮甜，不過就冇廚師推介既creamy，反而多左陣海水既清甜味。
而雜錦天婦羅盛有多款炸物，例好海蝦﹑秋葵﹑粟米仔﹑茄子，天婦羅外層既炸粉好薄，海蝦非常鮮甜彈牙，而秋葵唔會炸得太乾，入面仲有好多汁，加埋蘿蔔蓉同天婦羅汁，令到炸物既味道唔會太膩。
至於串燒盛亦有四款，分別係牛舌﹑宮崎和牛﹑冬菇同五花肉，宮崎和牛充滿肉香，而且好多肉汁；牛舌就相對爽口，加上鹽花調味，非常香口。
五花肉就用左燒汁調味，燒得好脆，而且肉吸收左燒汁既味道，好入味之外，仲有好香既油脂，飲住酒食真係好夾。
主角就係手握壽司放題，選擇都好多，例如有金目鯛﹑油甘魚﹑深海池魚﹑帶子﹑八爪魚 ﹑左口魚﹑鰻魚﹑香蔥碎吞拿魚腩卷等等，壽司細細件，醋飯既份量唔多，但表面上嘅刺身就好豐富，而且擺得好整齊好靚。
而我就比較鍾意食帶子同香蔥吞拿魚蓉卷，帶子肉厚而且好鮮甜，入口鮮嫩，唔點醬油都夠，可以食到帶子既原味；而香蔥吞拿魚蓉卷就好受友人既熱愛，encore左唔少次，因為吞拿魚蓉夠曬肥美，加上淡淡既蔥香味，夠曬惹味。
最後仲有櫻花雪糕，櫻花香味好濃，但都易入口，味道唔會太甜，作為今餐唔錯既結尾。
张贴
