影片
更多
2024-03-15
87 浏览
今晚去咗間新開嘅酒吧/居酒屋。餐廳名叫AOAO，取自日文「あおあお」嘅讀音，係翠綠色咁解。想打造神秘寶石秘店路線，透燈光的變化同折射，令室內空間嘅綠色樹脂藝術物料變成寶石礦洞一樣又不失貴氣。餐廳有戶外位都有啲光影藝術，但呢排有啲凍，坐入面舒服啲。嚟到呢度一定飲返杯，但係佢哋嘅食物都唔好錯過。一個幾特別嘅前菜，萵荀刨成長絲，好似麵一樣，加上啲蘿蔔蓉，酸酸地幾清新。刺身卷]鮮赤貝包著露荀，襯返個微辣嘅醬汁。第一次食咁嘅調味。微辣中和咗貝類嘅腥味，留低海鮮嘅味道。一款又甜又脆嘅小食！？定係甜品？點都好我覺得係非常好食，旁邊仲有啲琥珀合桃增加咗口感。呢間餐廳嘅signature之一，用備長炭即席將鳗魚皮辣出焦香，迫出鳗魚本身嘅油份。除咗打卡，少少肥嘅食物啱晒餸酒。最後叫咗一份三文治share ，和牛油份十足，但被竹炭包吸收曬，又係一個餸酒又飽肚嘅好物
今晚去咗間新開嘅酒吧/居酒屋。餐廳名叫AOAO，取自日文「あおあお」嘅讀音，係翠綠色咁解。想打造神秘寶石秘店路線，透燈光的變化同折射，令室內空間嘅綠色樹脂藝術物料變成寶石礦洞一樣又不失貴氣。餐廳有戶外位都有啲光影藝術，但呢排有啲凍，坐入面舒服啲。
嚟到呢度一定飲返杯，但係佢哋嘅食物都唔好錯過。
[萵筍絲沙律]
一個幾特別嘅前菜，萵荀刨成長絲，好似麵一樣，加上啲蘿蔔蓉，酸酸地幾清新。
[赤貝刺身卷]
鮮赤貝包著露荀，襯返個微辣嘅醬汁。第一次食咁嘅調味。微辣中和咗貝類嘅腥味，留低海鮮嘅味道。
[焦糖南瓜]
一款又甜又脆嘅小食！？定係甜品？點都好我覺得係非常好食，旁邊仲有啲琥珀合桃增加咗口感。
[炭燒鰻魚]
呢間餐廳嘅signature之一，用備長炭即席將鳗魚皮辣出焦香，迫出鳗魚本身嘅油份。除咗打卡，少少肥嘅食物啱晒餸酒。
[A4吉烈和牛竹炭三文治]
最後叫咗一份三文治share ，和牛油份十足，但被竹炭包吸收曬，又係一個餸酒又飽肚嘅好物
张贴
