CURATOR Art & Café (已結業)

講左成年朋友死心不息，終於如願和佢來共餐，如藝術館的咖啡店又幾特別，打打卡都唔錯，美食味道都唔錯，慢慢歎杯咖啡都幾好。招牌墨西哥式煎蛋早餐 $98一大塊酸種麵包墊底，麵包口感鬆脆，搽滿牛油果醬加上蛋漿和辣粉，典型墨西哥風味惹味好食。炸魷魚冬甩配黑松露蛋黃醬汁 $88 起初以為係魷魚圈，咬落去先知原來係魷魚碎碎都幾特別，外層炸得香脆咬落即碎，沾上黑松露蛋黃醬汁非常美味。香蒜橄欖油意粉 $158簡簡單單扁意粉，好多雜菇軟棉棉口感，加埋塊帕馬森芝士口感煙韌帶出咸香，令意份香蒜味更突出。丸久小山園 抹茶拿鐵 $49感覺好似好出名好奇一試，飲落都幾順滑，拉花靚仔，茶味清香泡沫厚，細杯慢慢歎都ＯＫ。