影片
更多
2023-12-10
39 浏览
閨密幫我補祝生日，帶我試「色、香、味」都齊全既fusion鐵板燒。餐廳環境俾人感覺好工整，每張枱都有長長既餐枱布，有d西餐廳既感覺。再有大落地玻璃，望落開揚，而我地對住既鐵板煮食位置都好寬敞。前菜三小點 - 牛蒡、芝麻醬凍豆腐、煙燻雞肉，當中的雞肉比較特別，是半透明的，食落的口感有少少似魚生，但有濃郁的煙燻味。另外重有一份蘋果沙律，又fresh又開胃。茶碗蒸 - 有別於平時的茶碗蒸，可以看見面層有三文魚籽、堅魚湯汁，之後中間重有黑松露油，味道非常濃郁，而且角有木耳絲增加口感，又滑又有咬口。燒帆立貝 - 兩面小小金黃，中間啱啱好，唔會熟晒。再加上菠菜墊底，成個擺盤都好靚，配埋醬汁，鮮味再提升。燒深海野生白鱈魚 - 師父以西式既燒法去煮，肉質細嫩，再配埋野菜粒，而醬汁是蜆汁加菜汁配上，鮮味中有少少酸，提升魚既鮮味。另外，朋友就揀左虎蝦，試左一啖，肉質彈牙，大蝦汁味道濃郁。主角我揀左燒紐西蘭肉眼扒，唔似平啲燒和牛咁油脂咁豐富，燒到半熟、肉質同樣軟腍，多左牛味，再加上香脆蒜片及不同的醬汁，各有滋味。我個人鍾情原汁原味，而朋友則喜歡配酸汁再升華肉味。而朋友則揀左鹿兒島黑毛主肩，雖然有少少肥，但咁
前菜三小點 - 牛蒡、芝麻醬凍豆腐、煙燻雞肉，當中的雞肉比較特別，是半透明的，食落的口感有少少似魚生，但有濃郁的煙燻味。另外重有一份蘋果沙律，又fresh又開胃。
茶碗蒸 - 有別於平時的茶碗蒸，可以看見面層有三文魚籽、堅魚湯汁，之後中間重有黑松露油，味道非常濃郁，而且角有木耳絲增加口感，又滑又有咬口。
燒帆立貝 - 兩面小小金黃，中間啱啱好，唔會熟晒。再加上菠菜墊底，成個擺盤都好靚，配埋醬汁，鮮味再提升。
燒深海野生白鱈魚 - 師父以西式既燒法去煮，肉質細嫩，再配埋野菜粒，而醬汁是蜆汁加菜汁配上，鮮味中有少少酸，提升魚既鮮味。
另外，朋友就揀左虎蝦，試左一啖，肉質彈牙，大蝦汁味道濃郁。
主角我揀左燒紐西蘭肉眼扒，唔似平啲燒和牛咁油脂咁豐富，燒到半熟、肉質同樣軟腍，多左牛味，再加上香脆蒜片及不同的醬汁，各有滋味。我個人鍾情原汁原味，而朋友則喜歡配酸汁再升華肉味。
而朋友則揀左鹿兒島黑毛主肩，雖然有少少肥，但咁樣燒起上黎更香，而且外層有少少甜既醬汁，食落又juicy又香口。
之後就係鐵板炒飯，飯中有櫻花蝦、銀魚仔…..配以特制的酸梅醬一齊炒，炒得乾身香口酸酸的，另外重可以加入上湯變茶漬飯，兩款食法。
最後一定係甜品，size的骰的豆腐雪糕，一點甜作結尾。而最驚喜當然係生日甜品，店員好好會主動幫我地影相💕📸
雖然閨蜜出錢，但以藝術品一般的食物，呢個價錢真係性價比好高。
张贴
