影片
更多
2022-07-14
63 浏览
餐廳：The Pearl (尖沙咀)地址：尖沙咀加連威老道20-22號瑞生尖沙咀酒店4樓之前去過瑞生尖沙咀酒店3樓食火鍋，水準確實唔錯，嗰陣已經留意到酒店4樓有一間主打飲嘢、食小食嘅Lounge Bar🥂原來呢間The Pearl @thepearlhk 已經開咗一年幾，近期喺客人嘅反應同支持吓，慢慢加入唔同嘅主食，大廚仲以中西合璧嘅方式，將西餐加入當造新鮮嘅中式食材，比客人可以喺度食完晚飯再飲杯嘢傾吓偈🗣The Pearl每一個角落都充滿藝術氣息🎨，餐牌上以藝術家或藝術作品聯繫嘅Cocktails🍸、大玩投射同有啲宇宙銀河感覺嘅環境🌌、各式各樣嘅雕塑作品🗿，確實幾有feel😎，而餐廳仲有室外同室內位置比你揀，喺截然兩種唔同嘅感覺👍✝️ 烤澳洲羊西冷 $158兩條切條嘅澳洲羊西冷烤至7成熟，鮮嫩嘅肉質配上焦脆嘅外層，加上烤過嘅印度茄子蓉一齊食造成強烈口感對比🤤，微微嘅羊羶香令人食慾大增，另外仲有油封過、無一般大蒜咁濃味嘅獨蒜做配菜🧄✝️慢煮法國鴨胸 $148慢煮法國鴨胸份量都唔少🦆，有成十幾塊，紅嫩嘅鴨胸肉連埋煎香過嘅鴨皮、加上薄薄脂香味濃嘅脂肪層一齊食，配埋自家製嘅紅酒燴黑車厘子醬汁酸酸
地址：尖沙咀加連威老道20-22號瑞生尖沙咀酒店4樓
之前去過瑞生尖沙咀酒店3樓食火鍋，水準確實唔錯，嗰陣已經留意到酒店4樓有一間主打飲嘢、食小食嘅Lounge Bar🥂
原來呢間The Pearl @thepearlhk 已經開咗一年幾，近期喺客人嘅反應同支持吓，慢慢加入唔同嘅主食，大廚仲以中西合璧嘅方式，將西餐加入當造新鮮嘅中式食材，比客人可以喺度食完晚飯再飲杯嘢傾吓偈🗣
The Pearl每一個角落都充滿藝術氣息🎨，餐牌上以藝術家或藝術作品聯繫嘅Cocktails🍸、大玩投射同有啲宇宙銀河感覺嘅環境🌌、各式各樣嘅雕塑作品🗿，確實幾有feel😎，而餐廳仲有室外同室內位置比你揀，喺截然兩種唔同嘅感覺👍
✝️ 烤澳洲羊西冷 $158
兩條切條嘅澳洲羊西冷烤至7成熟，鮮嫩嘅肉質配上焦脆嘅外層，加上烤過嘅印度茄子蓉一齊食造成強烈口感對比🤤，
微微嘅羊羶香令人食慾大增，另外仲有油封過、無一般大蒜咁濃味嘅獨蒜做配菜🧄
✝️慢煮法國鴨胸 $148
慢煮法國鴨胸份量都唔少🦆，有成十幾塊，紅嫩嘅鴨胸肉連埋煎香過嘅鴨皮、加上薄薄脂香味濃嘅脂肪層一齊食，
配埋自家製嘅紅酒燴黑車厘子醬汁酸酸甜甜刺激味蕾之餘仲去油膩感，底下嘅番薯蓉亦帶嚟唔少飽腹感添🍠
✝️鮮蝦煙肉意式多士 $68
先焗好多士，放上鮮蝦🦐、Mozzarella cheese、火箭菜煙肉等材料，再放入焗爐焗多次🔥，功夫程序雖然多但喺整出嚟嘅效果就好好食😋，將鬆脆嘅多士一啖放入口，豐富「芝」味確實令人抵擋唔住，送酒一流
✝️Yakitori $78
Happy Hour嘅Bar Snack，叫咗呢個烤雞大蔥串燒🐔，一客有三串🍢，
嫩滑嘅雞肉同爽脆大蔥烤香過後灑上芝麻，食落相當惹味
Mocktail喺Off Menu嘅，去嗰日有四款俾我哋揀，叫咗杯Passion fruit Grape($88)同山竹紅茶($88)。
幾少見到用果后山竹去整嘅特飲🍹，裝飾用嘅橙皮上面仲印有餐廳logo，兩杯都加咗梳打水，味道清新鮮甜
张贴
