影片
更多
2021-02-18
69 浏览
依排又同朋友嚟咗K11搵嘢食，其實一直bookmark咗依間Curator好耐，今日就同朋友一齊嚟試吓！餐廳好有藝術氣息，周圍擺咗好多村上隆嘅藝術品，啲花花好靚😍。等嘢食嗰陣都唔會悶，牆上有啲好靚嘅壁畫可以欣賞！LINGUINE PRIMAVERA W/ PARMA HAM SET田園蔬菜風乾火腿扁意粉意粉份量適中，都唔會太細份。意粉嘅蕃茄味濃郁，除咗每條意粉都沾滿番茄汁之外，仲見到一粒粒蕃茄。意粉口感唔錯，唔會太過淋或者太硬。面頭仲有兩大塊parma ham，鹹鹹地，好香。裏面總會有唔同嘅蔬菜，例如係鮮蘆筍，識落脆脆地。個set仲包左一個沙律，沙律嘅醬汁都足夠，啲菜好新鮮。ARTSY PRINT (Choco Based)藝術打印朱古力其實今日我最期待就係依杯飲品！我揀咗朱古力底，下面嘅朱古力或者咖啡只有凍飲選擇。果然冇令我失望，真係好靚，村上隆嘅花花印晒喺杯朱古力上面。朱古力都幾好飲。上面3D打印嗰層其實係奶霜，質感輕盈，帶有微微嘅焦糖味，唔會單調。BELLA NUTELLA WITH STRAWBERRIES 我哋仲揀咗一個甜品，見到有士多啤梨就嗌😂！甜品應該係即叫即製，因為嗌完
LINGUINE PRIMAVERA W/ PARMA HAM SET
田園蔬菜風乾火腿扁意粉
意粉份量適中，都唔會太細份。意粉嘅蕃茄味濃郁，除咗每條意粉都沾滿番茄汁之外，仲見到一粒粒蕃茄。意粉口感唔錯，唔會太過淋或者太硬。面頭仲有兩大塊parma ham，鹹鹹地，好香。裏面總會有唔同嘅蔬菜，例如係鮮蘆筍，識落脆脆地。
5 浏览
0 赞好
0 留言
個set仲包左一個沙律，沙律嘅醬汁都足夠，啲菜好新鮮。
3 浏览
0 赞好
0 留言
ARTSY PRINT (Choco Based)
藝術打印朱古力
其實今日我最期待就係依杯飲品！我揀咗朱古力底，下面嘅朱古力或者咖啡只有凍飲選擇。果然冇令我失望，真係好靚，村上隆嘅花花印晒喺杯朱古力上面。朱古力都幾好飲。上面3D打印嗰層其實係奶霜，質感輕盈，帶有微微嘅焦糖味，唔會單調。
4 浏览
0 赞好
0 留言
BELLA NUTELLA WITH STRAWBERRIES
我哋仲揀咗一個甜品，見到有士多啤梨就嗌😂！甜品應該係即叫即製，因為嗌完都要等一陣。其實佢係一塊長嘅麵包，烘到好脆，上面佈滿Nutella同士多啤梨。啲Nutella真係好多，搽得好厚，淡淡都會食到榛子醬味。士多啤梨嘅份量都好多，又新鮮又甜。面頭仲有唔同配料例如係棉花糖同埋杏仁片，令甜品口感更豐富。上面仲有一啲紫色、紅色嘅鮮花同薄荷葉，顏色好靚。
3 浏览
0 赞好
0 留言
CHICKEN LOLLIPOPS W/ BAKED BUFFALO CHEESE
酥脆雞錘配水牛芝士醬
小食方面，我哋嗌左雞錘，總共有三大個。雞錘炸得好香脆，裏面雞肉都幾大舊，好滑、好Juicy。調味冇乜特別，就係鹹鹹地咁樣。每一隻雞錘面頭都會有一啲水牛芝士醬，食落冇咁單調。
1 浏览
0 赞好
0 留言
GREEN TEA LATTE
抹茶冰拿鐵
繼3D藝術打印朱古力之後，我哋仲嗌左一杯green tea latte。Green tea latte選用丸久小山元園抹茶粉，材料高級。飲品非常大杯，漸層做得好靚，抹茶同牛奶嘅顏色慢慢融合。飲品嘅奶味比較重，建議大家唔好擺咁耐先飲，因為啲冰融左抹茶味會被沖淡。
9 浏览
0 赞好
0 留言
张贴
