FAB Kitchen (已結業)

黎到呢度，帶比人嘅感覺係，fine dining並不是遙不可及的事，Menu、service、食物都令我好驚喜。Dinner set 3-5 courses，餐包外脆內軟，餐湯係香濃中帶點清新嘅粟米湯，賣相味道都已經係有別於一般西餐。1st course要左西瓜沙律配伯爵茶啫喱，西瓜汁、沙律菜、啫喱，一層一層清新爽甜。2nd course朋友揀左煙燻挪威三文魚配龍眼肉同三文魚籽，視覺上非常享受，咁樣配搭仲係鮮、甜、美。我就揀左牛肉薄片配熱情果，一樣咁靚，伴上熱情果醬汁，酸酸甜甜配搭特別。到主菜啦，味噌比目魚配日本原木菇鰹魚湯，菇味同湯互相融合，連皮燒香嘅比目魚沐浴喺魚湯入面，鮮甜味美，魚肉質感厚滑，無得挑剔。另一個主菜，烤Prime西冷扒配公爵夫人馬鈴薯（雪梨醋燒汁），Prime，西冷扒最高級別，熟度剛好，Juicy，軟腍得黎保留牛扒應有嘅纖維感，伴汁更加覺係誠意之作，豐富左味道層次而且美觀，加上外脆內裡香軟滑溜嘅燒薯蓉，點樣相信係以數百元計能夠享用嘅質素。Dinner set包括$35以下飲品，聽聞呢度嘅咖啡亦相當吸引，一杯Mocha一杯Latte，製作過程中已經淘醉咖啡香之中，然後