Hungry Monkey (金朝陽中心二期 - Midtown) (已結業)

放工約埋幾個朋友一行 4 人 HH 加食個 early dinner，朋友話想食日本野就喺 OpenRice 搵到呢間Hungry Monkey book 埋位，佢寫係「日式鐵板燒餐廳」，但係佢唔係喺你面前整畀你食果款，佢係落單之後 bar頭一個鐵板位 整晒畀大家食，如果係想要睇住佢整野食嘅朋友要留意。先嚟梗係叫野飲先，今日唔飲啤酒，飲下 highball 先~ 佢有樣叫做「港島燒」，係叉燒、臘腸、芫茜、蝦米同肉鬆 造嘅御好燒（お好み焼き），食落其實幾夾，特別係臘腸同肉鬆。另外「牛舌薄燒」我覺得係全餐飯最好食，其他野食都有啲咸。 另一樣野就係張枱，我地四個人坐一張角位嘅圓枱，其實好迫，坐得都幾唔舒服。