影片
更多
2016-04-01
121 浏览
由於之前我囝囝發生意外, 所以今日終於約返姑姑食佢餐生日飯, 為咗唔好意思, 所以就同佢食餐勁嘅! 姑姑係旺角返工, 就選擇係旺角食. 姑姑超鐘意食海鮮. 所以唔洗唸…就去旺角潮福. 去到先知原來潮福有新出品. 就係半自助海鮮蒸氣石鍋. 可謂半自助海鮮蒸氣石鍋? 就係龍蝦半隻/貝殼拼盤一份(夠食的), 再自選海鮮5款. 粥底任選一款, 燉湯每人一盅, 其餘蔬菜/瓜/肉丸/各種蒸雞/糕點/珍珠雞任食, 仲有啤酒汽水及庶汁任飲, 每人都只係$388.5 (已包括加一及茶介醬油) 真係超抵. 因為之前去過其他潮福最平每人都要$450以上的. 而且仲要就住食. 所以呢個半自助海鮮蒸氣石鍋真係好抵.燉湯: 我地揀咗雲腿粒冬瓜燉海螺肉. 材料都好多, 唔會因為做係自助餐而減少材料及份量. 湯好甜南菲大龍蝦每人半隻, 肉質夠爽夠彈牙貝殼拼盤; 有馬刀貝/花甲, 馬刀貝大大隻但肉質又唔會un.自選5款海鮮:日本大元貝 – 元貝就不是好大隻. 但勝在夠鮮甜象拔蚌仔 – 夠大隻, 象拔蚌仔肉切成一條條, 好爽好甜聖子皇 – 都夠大隻. 同樣好新鮮美國石蠔 – 蠔肉好大粒. 加上少少蔥花及薑絲. 所以唔會腥
燉湯: 我地揀咗雲腿粒冬瓜燉海螺肉. 材料都好多, 唔會因為做係自助餐而減少材料及份量. 湯好甜
南菲大龍蝦每人半隻, 肉質夠爽夠彈牙
貝殼拼盤; 有馬刀貝/花甲, 馬刀貝大大隻但肉質又唔會un.
自選5款海鮮:日本大元貝 – 元貝就不是好大隻. 但勝在夠鮮甜
象拔蚌仔 – 夠大隻, 象拔蚌仔肉切成一條條, 好爽好甜
聖子皇 – 都夠大隻. 同樣好新鮮
美國石蠔 – 蠔肉好大粒. 加上少少蔥花及薑絲. 所以唔會腥. 蒸完又有好多汁. 好美味
大連鮑魚 = 大大隻, 新鮮彈牙
由於今次蒸雞係任食. 之前又未試過食污穢雞. 所以今之叫咗污穢雞及蟲草雞. 兩者比較, 我地鐘意蟲雞, 因為蟲草及紅棗的香味好夾而且好香. 雞肉又滑. 反而污穢雞就比較咸. 唔係太鐘意.
另外, 我地叫咗蔬菜拼盤/馬拉糕/紅棗糕/珍珠雞/肥牛
最後就食淮山粥. 由於有晒之前的海鮮精華. 所以唔洗多講. 好正好鮮甜.
飲品就叫咗七喜及蔗汁. 當然仲有新鮮生果送啦!
今晚真係好開心, 原本唸住今晚餐飯要起碼$900以上(之前食嘅經驗). 而家只需要$777仲要多咗好多嘢食. 超抵…
张贴
