潮福蒸氣石鍋 (已結業)

潮福蒸氣鍋有很多分店，我地去左旺角依間試下。難得食蒸氣鍋有乳鴿，點都叫一隻試下。沒想到竟然好有驚喜，因為乳鴿是剛炸起，熱辣辣，加上肉質嫩滑， 皮脆肉香，有好香濃的鴿味 ，非常好食 。蟶子皇食落有少少沙 ，但勝在夠鮮甜厚肉，而且非常彈牙。粉絲吸收了蟶子的鮮甜味，而且有浸過，食落好軟身，加埋蒜蓉，非常鮮甜好味。番薯蜆好大隻，好新鮮，蒸完之後，依隻好厚肉好大粒，食落去，超新鮮，非常正。最後會加上粥底，撈埋海鮮剩下好鮮甜味，超香。而且份量仲好多…查看更多

今晚因爲落雨，令原先打波活動取消左，所以成班朋友轉戰蒸氣石鍋！呢到位置離地鐵站比較遠，所以由旺角落車行過黎都用左10分鐘到呢到係一個價錢，包左數款海鮮之後再任食肉、菜同包點類，仲有任飲酒水～由於我遲左少少先到，所以朋友們都落好單叫左海鮮啦～第一樣到既係燉湯其實有兩款選擇，呢款雞腳豬骨比較好飲，味道濃郁啲，另一款朋友們話比較淡～之後到刺身，其實佢刺身都好新鮮，由其係呢啲蒸氣石鍋店本身冇期望既情況下，不過一人得一件，感覺比較少同埋我真係唔鍾意食希靈魚跟住係一輪海鮮，其實食蒸氣鍋最緊要係海鮮新鮮，呢到雖然係指定食材加任食組合，但款式唔會太差同埋的確新鮮鮮甜第一款係佢既蜆，每人分量都充足，見到入面冇死蜆，食落都係濕潤彈牙第二款係每人半隻龍蝦，新鮮龍蝦肉質鮮甜，蒸到剛剛離殻，蝦膏唔算多係佢比較普通既地方之後到鮑魚啦，由於我地坐既位對正魚缸啲南非鮑魚，所以FF左成晚會唔會有咁大隻，咁當然套餐價就只有鮑魚仔，但佢都係偏大既鮑魚仔，味道唔錯，但多啲果皮會更好貴妃蚌，一樣自從我屋企人發現後，成日都買返屋企整既海鮮，呢到大細屬於中等，有粉絲係底去吸收精華都的確唔錯！跟住係象拔蚌，師傅將佢切絲，食落都算大隻，質地係幾款貝中比較有咬口，但蒸出黎都剛剛好，唔係橡筋咁樣，合格最後係蟶子皇，見到size算大，爽口而海鮮味比較淡之後介紹既係任食環節，主要有肉、菜同包點一黎見到三款肉類，分別係一口牛、豬頸肉同雞肉，由於一口牛比較快熟，職員會先計時叫大家先食牛肉，而牛係三款之中最突出既，因為佢牛味濃同埋出奇地係淋滑既～豬頸肉蒸後冇平時煮法咁油，但都冇平時咁香，雞就同平時冇咩分別。之後係蒸丸，牛肉丸一如以往食開既手打肉丸一樣，好似食緊飲茶既牛似球咁，蝦丸唔算丸彈牙反而豬似丸味道最好，有啲梅菜調下味最後介紹包點類，馬拉糕係鬆軟既，唔算太甜，饅頭有中式飽點既麵粉味，係小弟其中一種最愛既包所以冇咩好評價，反而佢個薑汁糕有好大迴響，鍾意薑味既朋友應該幾鍾意，因為佢好香薑味，我食第一淡心入面諗如果佢有埋可樂味就好得意啦～ 但有朋友接受唔到佢既薑味，所以叫既時候都係唔好叫太多好另外要一提既係佢有任飲酒水，有青島同Asahi仲有嘉士伯draft，一班老友黎到吹水飲野都係唔錯選擇總結呢到雖然地理位置比較遠，但我覺得海鮮類係合格，如果人多唔想叫咁多貴價海鮮又想食蒸氣鍋傾下計食個飯，呢到係唔錯選擇！重點要提係佢服務好好，每款海鮮中間都會幫你換碟同埋幫你計時蒸海鮮！我地好唔好意思咁係上左湯後改少一個人，經理都好幫手cut左一個人位，唔似好多任食地方咁夾硬收費👍🏻小弟冇影到蔬菜，但其實啲瓜同菜都唔差…查看更多

今日終於可以黎試蒸氣火鍋，book左2030！當然我地緊係有叫海鮮！重頭戲黎架嘛，全部野食都有專人幫我地蒸。熱辣辣嘅燉湯，燉湯味道清甜，材料落到好足，螺肉、排骨份量都多，係個好開始。跟住嘅脆皮乳鴿炸得外皮金黃，肉汁多、皮脆，肉質亦相當細嫩。之後就去到今晚嘅主菜了！首先第一樣正嘅食品就係生猛嘅龍蝦，龍蝦size都好大隻，只係蒸左十幾分鐘龍蝦就已經熟晒了，而且一開蓋嗰陣龍蝦嘅鮮味撲鼻而來淨係聞到口水都流到一口都係！龍蝦肉非常之厚實，而且用叉就可以成交龍蝦肉起咗，而且一啖塞落口，啖啖龍蝦肉嘅鮮味充斥着個口！馬拉糕，當係甜品咁食，入口好軟熟，唔會太甜。肉類 丸類 菜類 糕點類，簡直食到飽住走 最後食埋個粥底 超 級 甜 啊！所以 記得留小小肚食粥底。如太飽就浪費左個海鮮汁煲出黎既粥啦每人三百幾既套餐可以食到咁多海鮮，值得既！…查看更多

喺咁凍嘅天氣，大家會去打邊爐，其實仲可以選擇食蒸氣鍋！非常健康又無咁油膩。。。店內有多款新鮮海鮮店內仲有多款調味料選擇我同老公就揀左“瑤柱鮮淮山粥”清清地每位包半隻“脆皮乳鴿”個皮燒得好脆，肉質好嫩滑仲可選擇一款燉湯，我地都揀左“淮杞燉龍躉骨湯”，非常足料，同好鮮味！飲完絕對唔會覺得口渴套餐仲跟一份“貝殼盛盆”，隻隻都好大隻大閘蟹同龍蝦，二選一。。我地揀左“龍蝦”龍蝦肉彈牙爽口。。我地仲揀左“貴妃蚌” “鮑魚” “大元貝”“龍躉”，每款都好新鮮最重要係有專人幫我地蒸海鮮，每款海鮮蒸嘅時候，店員都會調教鬧鐘，令到每款海鮮都唔會蒸到過火，影響海鮮嘅口感！到最後就算食到幾飽都好，都一定要食埋個粥底，佢集合哂所有海鮮精華，非常美味！…查看更多

就到新年，三五知已朋友就找了蒸汽水火鍋吃，潮福任食蒸汽海鮮套餐$338一位, 有海鮮又有任食項目，非常底! 飲品方面竹蔗水、汽水任飲!粥底選了瑤柱鮮淮山粥，待最後才吃。先飲姬松茸燉螺肉，足料好味，而乳鴿非常香脆，好好味。龍蝦依舊好好味，啖啖肉非常嫩滑及林，充滿蒜香自選項目有4款，我點了元貝、聖子皇、馬刀貝及龍躉件最後的粥底非常鮮甜，有榣柱味及海鮮味，簡直是精華所在。最後餐廳的員工態度MAMA，十叫九唔應, 話轉頭黎又唔黎，好似成日好想趕我走咁, 點點唔係好滿意!…查看更多

今天和家人來吃晚飯， 來到這家潮福蒸氣石鍋。 價錢338晚餐半自助，非常抵吃。 有專人服侍蒸海鮮又可以吃不同類型的蒸小菜。馬刀貝，花甲，珍珠蜆馬都會與花甲新鮮得來帶點煙韌, 而珍珠會蜆看起來細小但鮮咸美最出。乳鴿乳鴿皮脆肉厚，非常美味， 還以為要到深井才能吃到這種質素的乳鴿。龍蝦龍蝦肉嫩鮮咸，點點的蒜香味讓龍蝦肉更出。蟶子皇， 大元貝蟶子皇以粉絲及蒜蓉伴碟， 煙韌肉厚，鮮味龍躉龍躉肉軟汁多。我們還點了一些蔬菜粟米 ，一口牛，肉丸，馬拉糕。瑤柱淮山粥吃到最後來當正餐飯的焦點，就是盡收海鮮精華的淮山粥。 淮山粥煮了超過兩小時，粥底盡收了海鮮的精華，非常濃郁。真的不敢相信以海鮮製作的來是這樣鮮味。…查看更多

我同我班fd去呢到食,人又坐唔滿,叫左個任食價三百幾加一,見到D人數都已經覺得伏伏地架啦,不過大家志在出嚟聚聚就由佢.咁佢有幾隻海鮮簡,簡完篜埋食左大家都覺得水準麻麻,跟手又有幾隻自己叫既肉丸,一樣普普通通,我地覺得都算啦大家出嚟食餐飯又唔係太差.但係一定唔值呢個價囉!記住睇埋呢篇題外話.強烈建議各位 蒸氣火鍋 周圍到有 要簡絕對輪唔到呢個野!…查看更多

生日飯朋友約我黎潮福食海鮮蒸氣鍋無點食過 但望落幾正我地揀左任食 吾洗諗吾洗煩粥底揀瑤柱鮮淮山粥 貪佢瑤柱鮮味十足呢個淮杞燉龍躉骨湯清清地幾好飲估吾食海鮮鍋都有乳鴿食 仲要夠脆皮 正海鮮方面 一開始係貝殼盛盆 夠鮮甜另外揀左龍蝦 清蒸正丫自選海鮮方面 心思思試下桶蠔估吾到勁大隻鮑魚好新鮮 上菜個時仲見到佢識郁任食紙方面 有好多菇同菜類值得推介姬手切和牛粒勁冧又香牛味 食下食下又encore蒸雞都幾滑 又無雪藏糕點有馬拉糕 最特色係都係上菜先蒸包保鬆軟呢餐好似吾係食好多 但樣樣點d又好飽勁滿足既海鮮餐…查看更多

早前係Facebook見到有朋友大讚潮福的蒸氣火鍋，攪到我又心郁郁想試下食蒸氣火鍋。見近排天氣又凍返，所以就同男朋友去左位於旺角女人街的分店食下先...坐低有D口渴，去放題酒水自助吧先拎飲品先... 當中有汽水、果汁、忌廉溝鮮奶、竹蔗水可以比大家揀...飲住野就當然Tick野食啦... 呢到每位都可以送一份燉湯、半隻乳鴿、貝殼盛盆、大閘蟹/龍蝦，另外仲可以自選4款海鮮。粥底有南瓜排骨粥、瑤柱鮮淮山粥、淮山雞粥揀，今次我們就要南瓜排骨粥。先黎的係兩個姬崧茸燉螺肉燉湯，燉湯非常夠熱，飲落去成個人都暖晒。脆皮乳鴿的皮都燒得幾香脆餐廳會有個小Alarm調教蒸煮時間，響起的時候職員就會行過黎幫你上菜同落下一Round的食物。先食貝殼盛盆，每隻花甲/蚌都非常厚肉，而且又無沙。由於已經無晒大閘蟹，所以我們要左龍蝦。龍蝦的肉都幾厚，而且餐廳放左大量的蒜蓉，令蒸的龍蝦味道更香。至於自選海鮮，我們揀左大元貝、蠔、鮑魚及龍躉件。大元貝及蠔都好鮮味，仲要好有肉。另外，點餐紙的右邊為任點Item，包括肉、丸、蔬菜、甜點同包點。第一次食蒸的牛肉片，仲要係和牛！雖然無咩雪花，不過食落又幾香同滑bor... 我非常推介大家試下餐廳的手打丸！係非常....彈牙有口感！男朋友想食幾啖飯落肚，所以就叫左一個荷葉糯米飯。大家唔洗太擔心食完糯米飯食唔落其他野，呢個係Mini Size只有一大啖就食完架啦！甜品方面，我們叫左馬拉糕及薑汁糕。岩岩蒸起的馬拉糕非常鬆軟、薑汁糕的薑味重，蒸完仲要好Moist好軟熟。大家唔好食得太飽呀... 因此蒸完所有食物之後，大家係要食粥架... 南瓜同排骨煲到淋晒，個粥都好綿。份量都好多，我同男朋友都食唔晒...另外，餐廳仲有套餐比大家選擇，睇落又幾吸引！…查看更多

自從上次farewell dinner 食完潮福念念不忘忍吾住帶我一位未食過既朋友去兩個人都食到蒸氣鍋幾好湯我地一人叫一款試下 飲落姬崧茸燉螺頭味道較鮮甜定食1係乳鴿 個皮燒到脆卜卜 食晒勁邪惡之後貝殼盛盆一人都有4隻特別中意大d黃色呢款 好鮮好香海水咸味完全吾洗調味 就咁蒸已經好食自選海鮮 每次必選美國桶蠔成隻手板咁大隻 蒸完都無點縮水 另外推介生猛元大貝 大大隻 食落好鮮甜貴妃蚌平時比較少食 味道相對另外兩款中規中矩任食紙選擇都唔少推介姬崧茸蒸雞 雞件夠滑無咩雪味加埋面頭既姬崧茸香味十足各款丸類都好有特色 好幾款都係手打添梅菜豬肉丸吾太咸又幾有梅菜味 岩我當然全晚最最最重點係馬拉糕我的最愛 每次都食4件好鬆軟好味道…查看更多

其實好耐之前興蒸氣石鍋嗰時，已經有留意潮福了，因為當時唔覺有乜地方係有做任食。所以去左女人街嗰間鋪試下，而且無咁多人。張點菜紙，每人包一次乳鴿，花蛤，龍躉肉，燉湯，4款海鮮。其他就任點，雖然任野食唔算多，不過都夠哂食。豉油吧都幾多調味料。任飲都幾多可以揀，仲有啤酒都係。(小心隔離個雪櫃都有啤酒，不過係收費的)先黎乳鴿，每人半隻。雖然唔熱，不過都暖暖地，幾香口。每人1盅燉湯，好夠味，可能係天氣凍關係，黎盅熱湯即時成個人舒服好多！粥底就要左南瓜排骨。龍躉肉幾新鮮，蒸完唔散，扇貝同蠔都有粉絲墊底，之後熟左再加豉油，正！幾隻手打丸都好彈牙，尤其是墨魚丸。和牛蒸一烝好快有得食，所以唔會韌，而且蒸完更加有肉味！薑汁糕同馬拉糕必食！新鮮蒸上黎即食，馬拉糕好軟熟，薑汁糕好香到最後食南瓜粥，啲南瓜已經溶哂，成個粥好香，又唔稀，不過食到尾已經好飽食唔哂。…查看更多

我們愛打邊爐, 但更愛蒸氣石鍋, 因為食物不用湯煮, 更覺原汁原味.  今晚帶了女友去旺角買聖誕禮物, 乘機去 潮福蒸氣石鍋, 享受美食, 一樂也.朋友話這間食肆很忙, 所以先訂了位, 而用餐時間只有兩個半小時, 我真要去見識一下.  餐廳在一樓,   今晚是星期二, 客人也很多, 真驚訝! 店內裝修是中式酒樓格焗, 海鮮魚缸有如大排檔, 大量海產, 可以任擇.游水魚也不少.   又有蟹.但女友知慳識儉, 她看看餐單, 便決定 點 任揀任食任飲的蒸氣石鍋海鮮餐.  每位 $338.包粥底,   滋潤燉湯 ,  定食 4 款.  雞/牛/豬, 蔬菜, 甜品, 也任食.  飲品任飲.落單後不久, 店員己送來燉湯,  淮杞燉龍躉骨湯, 又熱又清甜, 足料.接著有小食:  脆皮乳鴿:  一人半隻,  炸得香脆, 調味適中. 蒸物快開始了, 店員先放上石鍋在爐上, 齊備粥料, 打好火, 草帽也蓋上了. 我們要準備 醬料及飲品.  自助調味料區, 醬油, 配料多款, 我們自己選擇自己口味.   隔離就係飲品櫃, 我們取了 竹蔗芧根, 唔太甜, 好解喝. 檯上有個蒸鍋, 鍋頂是一頂草帽型的蓋子, 有利蒸氣的散發, 旁邊是電子計時器, 可以有效地撑握時間, 因為䒱海鮮講究時間性, 所以這個電子計時器是一個關鍵。開始第一鍋是, 貝殼盛盆,  蜆肉有大有細, 份量剛好兩位用, 只須蒸十分鐘.蜆肉好鮮美, 冇沙好入口.店員又替我們蒸蝦及鮑魚. 大煆尺寸大, 有一隻筷子長度, 肉質鮮嫩無比, 汁液豐富甘美,  彈牙爽口,  鮑魚肉質爽而厚, 剛蒸好的, 鮮味無比.蒜蓉粉絲蒸蟶子皇, 每人一隻, 有筷子咁長, 肥美的肉厚到不得了.元貝處理得很乾浄, 元貝和粉絲, 入口感到其鮮味, 蒸得時間剛好沒有過熟.又甜又厚肉用蒜蓉粉絲蒸就最正啦,  肉質嫩而厚.龍蝦  (半隻/人） 肉質及鮮味剛蒸好的, 肉色白皙, 彈牙爽口, 鮮美多汁這樣即蒸即食的龍蝦比西餐食法優勝的地方是, 肉質鮮嫩, 一點也不韌。手切和牛, 肉質順滑, 肉味豐富, 只消幾秒就可食用.和牛粒. 嫩滑的質感好, 入口即化, 蒸氣出爐的: 蝦丸, 墨魚粒, 鯪魚丸, 牛丸, 豬肉丸, 味道不錯, 爽口彈牙, 粒粒足料新鮮手打.   很惹味.姬崧茸蒸雞,  鮮美又非常彈牙, 雞件都幾多, 而且雞的份量蠻多, 也很滑.時令蔬菜, 菇菌, 選擇甚多, 吃完粟米, 冬菇, 又嚐新鮮菜蔬, 蒸得清新自然, 食感好.南瓜豬筒骨粥, 己煲至溶化, 染黃了白粥, 顏色吸引, 加上蒸物的鮮和豬骨味, 只要加上少許鹽, 菜補粒, 芫茜和蔥, 已經是一碗鮮甜綿密的南瓜粥, 兩個人也吃不完, 不致造成浪費, 店員打包給我們, 真細心. 接著火力, 在蒸爐上再蒸甜品, 新体驗.   薑汁糕和馬拉糕.  新鮮熱熱蒸好, 美味好入口 !最後還有西瓜, 清清甜甜, 這個套餐, 組合好完美. 我們喜歡開心熱鬧的氣氛,  更愛吃得鮮美的石鍋蒸法, 一定會再來.…查看更多

天氣漸冷, 很喜歡 潮福蒸氣石鍋  的 "任揀任食任飲 - 蒸氣海鮮餐"  星期日至四, 每位$338-,  真超值!   位於人氣地區:  旺角.餐廳在一樓, 面積大, 分左右廳, 座位數目很多, 有適合家庭, 良朋共聚的大圓檯, 也有卡座適合情侶拍拖晚飯. 游水海鮮種類多, 魚, 蝦, 蟹, 象拔丰, 蜆, 魷魚, 龍蝦..... 陣容頂盛 !!名貴海魚, 生猛活潑 !!我們只兩位, 安排卡座, 夠舒適, 檯面闊落, 侍應先送來熱茶及餐牌.此餐, 包必食粥底 ( 3 選 1), 滋潤燉湯 (每位一盅), 定食 4 款 (4 選 3).  海鮮任選 4款,  雞/牛/豬, 蔬菜, 菇菌, 甜品, 皆任食, 另啤酒汽水任飲, 只需338一位.大型冰櫃內, 啤酒, 汽水, 韓式果汁, 竹蔗水任飲.  我們取了韓式果汁 Aloe Vera, Mango, 好清涼好好飲. 等候蒸氣食品上檯時, 侍應先送來小食, 脆皮乳鴿:  每人半隻,  皮脆肉滑, 好味.再來每人一盅熱燉湯, 我點 淮杞燉龍躉骨湯, 這湯滋補養心.朋友點的 姬崧茸燉螺肉, 健胃保氣, 湯味清甜.我們正在飲湯之時, 侍應己在準備粥底.  於鍋底放進材料:  米, 南瓜, 排骨, 再倒入魚湯, 蓋上鐵籠及草帽.侍應又帶我們去醬料區, 自已混醬. 醬料很齊全, 鹹甜辣自己可調製.    小食有脆花生.     一边等蒸物,  一边吃花生.       侍應第一籠先蒸貝殼盛盆,  放到窩內後, 再用草帽蓋著, 旁邊有一部計時器以便時間計算, 當時間一到侍應就會過來幫你拿起草帽, 煙霧彌漫, 熱騰騰的海鮮就出現在你眼前. :) . 蜆肉大大粒, 好鮮甜, 有咬口.接著每人半隻龍蝦, 肉爽彈牙, 好鮮美.生猛大元貝. 元貝連殼就有手咁大, 蒸起來超鮮甜, 蒸的時間控制得剛剛好. 蒜茸粉絲放上大大隻元貝, 然後清蒸, 鮮甜無比, 佈滿金銀蒜的金碧輝煌, 好滋味.侍應安排食品 續類排隊蒸, 又細心待看管蒸煮時間, 真窩心.蘇格蘭 蟶子皇, 經典食法,  蒜蓉粉絲蒸, 是最大路的做法, 蒸得好食, 蟶子皇肉質鮮美.店員再打開草帽蓋, 熱騰騰的海蝦及鮑魚又出場了, 鮑魚係用蟲草花同薑絲調味, 海蝦大大隻, 鮮甜彈牙, 肉質爽.  每人兩隻.和牛片切得薄薄地, 好快就蒸熟.  牛肉片食落十分嫩, 帶有濃濃既牛肉味. 手切和牛粒. 入口即化, 口感軟棉, 不會滿口油脂.  相信熱力溶化了多餘的脂肪, 亦已經流入粥底內.牛肉並無醃味, 新鮮上乘, 味道已經很好, 又或可點些桌上配備的醬油, yummy !姬崧茸蒸雞, 順德污槽雞.  我們只點了一位份量分嚐.  雞件已調味, 雞肉滑溜, 味道不錯餐廳自製手打蝦丸, 鮮牛丸, 墨魚丸,  鯪魚球, 亦絕對不欺場, 肉質優, 鮮美又非常彈牙. 接著侍應替我們蒸不同蔬菜, 有蓮藕片, 冬菇, 金菇, 粟米, 薯仔件, 南瓜件, 香芋件.  吃得健康.我們本來已感肚飽了,  熱情的侍應推介我們試點甜品, 在蒸爐上自蒸, 我們只選了一小塊 薑汁糕和馬拉糕.   新鮮熱熱蒸好, 果然吸引, 美味 !!吃罷蒸煮食品, 侍應取去草帽蓋, 而帶來生蔥丶冬菜及芫茜,  侍應拎出一壼湯倒入粥內, 再煮五分鐘, 看見粥煲得已綿滑, 每人先分一碗, 她說吃不完無問題, 可打包帶回家, 好環保.  .  粥十分鮮甜美味, 因之前上層既海鮮及肉類精華往下滴, 粥味道鮮得非常可口.最後還有水果送到, 紅紅無核的西瓜, 清甜涼快, 又結束了此頓美味豐富的晚餐.此餐廳的侍應服務殷勤週到, 真的令我們有賓至如歸的感覺.  食物新鮮好味, 我們会推介朋友.…查看更多

潮福最方便，分店遍佈香港九龍新界，今晚朋友食提意食蒸海鮮，為求方便大家當然去旺角分店！任飲任食海鮮餐大約三百蚊一位，但光是啤酒任飲已值回票價！先選粥底、湯品，再選剔三款定食及四款海鮮，最後還有肉類、丸類、瓜菜、包點等任食，絕對可以捧腹離開適逢時候，潮福還推出大閘蟹作定食選擇，與龍蝦二選一。今年聽說大閘蟹質素下降，所以都還未食過，但四處都食龍蝦，今晚還是試一試大閘蟹吧！店員把生米瑤柱淮山放入石鍋底層，然後邊食邊等蒸鍋熱起先飲盅暖笠笠湯 - 唐排很腍，味道香濃再來一隻油脂豐盛的胞皮乳鴿，炸得香脆又多肉汁蒸鍋可以開始了貝殻盛盆有蕃薯蜆及韓國蜆仔 - 粒粒漲卜卜，鮮甜而不靭因為蟶子沽清所以我們改選馬刀貝，意想一份有兩隻大大隻，鮮味爽口陸續蒸鮑魚、貴妃蚌、元貝，元貝最抵讚: 非常厚肉，肉嫩鮮甜 ; 貴妃蚌則有點失望，內臟已清走，但稍蒸過了少少，有點靭。最後食最花時間的江蘇大閘蟹(約5兩半重)，目測真的比較大隻，好多膏食完海鮮就放牛肉及糕點落去蒸，馬拉糕是最好食完成所有蒸物就可以食埋個粥底，真係飽到上心口…查看更多

天氣寒冷凍冰冰, 自然想打邊壚暖一晚, 潮福必定是我首選, 除了蒸氣海鮮有名氣, 還有任食火鍋, 眼見隔離檯點了椰子雞煲湯底, 陣陣香氣傳出, 自己個餐未食已經話下次要再黎試火鍋火鍋分兩輪時間, 第二輪8點半準時入座, 先選粥底/燉湯及海鮮等食材, 粥底選了瑤柱淮山粥, 清清地加上海鮮精華一定美味這裡的醬油及飲品是自取, 除了啤酒還有汽水/竹蔗水滋潤燉湯二選一, 選了姬崧茸燉螺肉, 湯夠熱夠清, 內裡有姬崧茸及肉排, 夠足料蒸海鮮開始貝殼盛盆中有2款, 珍珠蜆細粒但脹卜卜, 味道帶海水咸, 還有花甲當晚我們選了當造的大閘蟹, 大概是5.5兩, 非常抵職員幫我們先準備一人一剪刀 , 當晚吃的蟹公, 白色半透明膏狀的好粘口帶膠質, 算是不錯脆皮乳鴿每位半隻, 乳鴿size不會太少, 乳鴿皮香口帶脆, 多肉唔算厚肉隨後吃自選海鮮生猛大元貝 - 厚肉元貝一開二, 蒸熟時間剛剛好, 就算唔落醬油都足夠生猛鮮鮑魚, 鮑魚用了蟲草蒸, 厚肉好飽滿, 口感彈牙生猛貴妃蚌, 底層的粉絲剪碎晒, 吸晒海鮮味新鮮馬刀貝, 爽口鮮甜, 一人兩隻, 沾上醬油更鮮味手切和牛肉/手切和牛粒和牛片有厚度, 和牛粒帶牛脂比較肥美,juicy有口感, 和牛片有點靱, 但牛味會比較特出這裡的丸類是手打, 怕吃不消, 嘗試過就好了.墨丸夠彈牙有口感, 姬崧茸蒸雞, 好嫩滑, 姬崧茸好香超甜粟米夠清甜, 勝瓜蒸到軟腍腍最後點了幾份包點, 薑汁糕微辣煙靭, 還有點了馬拉糕及蔥花卷, 就是午市點心, 兩者都很美味食完後, 侍應會拿走蒸隔,一鍋真的是軟綿綿, 白雪雪的粥, 吸盡食材的精華, 鮮味無比 , 不過我們點了大閘蟹, 所以粥內有一陣大閘蟹的味道 下次要問問店員可否分開蒸整頓飯都是店員幫忙處理, 分菜, 十星級服侍…查看更多