潮福蒸氣石鍋 (已結業)

同朋友想食新鮮嘅海鮮，係旺角行完街，就去到呢間潮福食蒸氣石鍋。成個套餐有好多野食。先係粥底選擇一個 (新鮮排骨粥和瑤柱新鮮淮山粥)、燉湯每人都可以選擇其一。接著仲有脆皮乳鴿、貝殼盛盆，龍蝦贈送等等。非常期待!熱辣辣嘅燉湯，燉湯味道清甜，材料落到好足，螺肉、排骨份量都多，係個好開始。跟住嘅脆皮乳鴿炸得外皮金黃，肉汁多、皮脆，肉質亦相當細嫩。海鮮系列: 扇貝用上蒜蓉同粉絲去蒜，味道唔會太濃郁，係清新之選。而青口同蜆肉份量夠大隻，無沙無雜質，夠晒鮮甜。龍蝦肉質結實，肉色白析，有天然海產嘅鮮甜味道，相當高質素。而鮑魚配合薑絲、蟲草花一齊去蒸，突出到鮑魚嘅鮮味!海鮮之外，我地都選擇左肉食。肥牛同牛肉粒肉味香濃，蒸一分鐘左右就食得，好嫩口!最後有石鍋底中嘅瑤柱新鮮淮山粥。吸收左成晚海鮮嘅精華，根本唔需要加任何調味，都食到粥中當中嘅鮮味。