Café Kool

营业中

休息中

認真講有啲失望，睇到香格里拉嘅主題係國際海鮮自助餐以為會好多海鮮點知……首先我都光顧過幾次，覺得食物和服務都有一定水準，因為今日係萬聖節所以裝飾方面帶點節日氣氛不過食物方面，今日海鮮未見突出，龍蝦限每人一份但味道都有鮮味，其他海鮮如蝦、長腳蟹等之前都有，亦都唔見比以前特別感覺無驚喜。不過燒牛肉和鵝肝拼牛柳唔錯，鮮嫩多汁生蠔算新鮮，但肉較少。刺身方面有三文魚、吞拿魚、甜蝦等……選擇算比較多另外中式燉湯唔錯和蒸魚幾好食，但蒸魚出菜太慢，睇過幾次都係得魚骨，其他菜式又唔太吸引，而且發覺粉麵方面比較多，除了意粉湯麵又有炒伊麵無睇錯印度區又有米飯，其實少少意見可以改下菜單，如湯麵改粥或生滾湯肉骨茶等，認真講第一次食唔錯，但食多幾次無咩變化之餘吸引力亦大減。不過值得一讚係今日嘅服務質素，態度友善收碟又快，又會幫客人拎食物。其望將來菜式能夠大改變比多點驚喜。今次評分為ok，平均水準唔錯服務尤其出色，但光顧過幾次食物並無驚喜。龍蝦限定每人一客又無提示，後來問了餐廳表示改用新鮮龍蝦所以限定每人一份，但我認為限每次拎半隻就夠，如果早知龍蝦限定我今日應該唔幫襯，因為實在唔抵食。