반찬앤쿡 Banchan and Cook (太古城中心)

营业中

休息中

餐廳已經換晒萬聖節主題，周圍都係南瓜，連menu都有更新左，幾有新鮮感。墨汁大蝦寬條麵，萬聖節以黑色同橙色為主調，所以墨汁意粉同大蝦就襯晒，意粉夠彈牙，蝦都幾肥美，仲有好多菇襯托。 燒醬油黑毛豬白切肉配大醬生菜，黑毛豬好入味好厚肉，夾埋蒜、加pat 醬包埋生菜，再加上份量夠大，真係好有韓國生菜包既感覺。 蜜糖無骨炸雞(半份)，炸雞係呢間餐廳必叫，雞又滑皮又脆，有薯條同年糕伴碟，再點埋醬食，味道層次豐富! 巴斯克芝士蛋糕，雖然皮唔係特別濃，但裡面又做到柔軟既感覺，有生果配襯，減低膩感。 暗黑地獄世界，竹炭牛奶沙冰，有萬聖節氣氛。科學怪人之夜，竹炭抹茶，有少少籽類堅果係面，增加健康感。