影片
更多
2009-05-06
28 浏览
我想講呢間野真係好好食!!!又好食又正宗又抵!!我一定會有下次!!!由於正日我同哥哥都唔得閒所以提早今日慶祝母親節之前已經提議黎九龍城食我又覺得好似次次都食中餐...好悶所以就提議黎食泰國野啦 =)去之前梗係上OpenRice做下資料搜集先啦一向覺得笑面多唔代表一切睇總評分同笑面對食評既比例就差唔多!根據呢 2 個條件我就揀中左呢間泰禾美啦!!!去到門口媽咪竟然唔係好想入去...因為間舖基本上完全無客人但我眼見其他店舖都係差唔多咁冷清...而且門面唔代表一切就話儘管入去試下啦不過入到去都真係幾殘舊下 =P我地 3 個人食左超多野!!!真係好多!!!不過有大食既哥哥係度一向都唔怕既.....我地叫左:冬蔭公(細)"我一向唔食得辣...所以叫黎都係媽咪同哥哥飲我只係飲左少少...嘩! 真係辣到頂唔順!!! 飲一啖佢就要飲啖水但佢又有吸引你飲完再想飲既感覺!!! 真係好矛盾!!但個湯真係好香...而且佢用左好多香料所以好鬼正!! 一D都無偷功減料!!!媽媽同哥哥都話好!椰青"我不嬲都好鍾意飲椰青，除左因為佢清清地，而且仲可以割佢D椰肉出黎食!個椰青偏向細個，但睇返價錢都係 $18...所以又
又好食又正宗又抵!!
我一定會有下次!!!
由於正日我同哥哥都唔得閒
所以提早今日慶祝母親節
之前已經提議黎九龍城食
我又覺得好似次次都食中餐...好悶
所以就提議黎食泰國野啦 =)
去之前梗係上OpenRice做下資料搜集先啦
一向覺得笑面多唔代表一切
睇總評分同笑面對食評既比例就差唔多!
根據呢 2 個條件我就揀中左呢間泰禾美啦!!!
去到門口媽咪竟然唔係好想入去...因為間舖基本上完全無客人
但我眼見其他店舖都係差唔多咁冷清...而且門面唔代表一切
就話儘管入去試下啦
不過入到去都真係幾殘舊下 =P
我地 3 個人食左超多野!!!真係好多!!!
不過有大食既哥哥係度一向都唔怕既.....
我地叫左:
冬蔭公(細)"
我一向唔食得辣...所以叫黎都係媽咪同哥哥飲
我只係飲左少少...嘩! 真係辣到頂唔順!!! 飲一啖佢就要飲啖水
但佢又有吸引你飲完再想飲既感覺!!! 真係好矛盾!!
但個湯真係好香...而且佢用左好多香料
所以好鬼正!! 一D都無偷功減料!!!
媽媽同哥哥都話好!
椰青"
我不嬲都好鍾意飲椰青，除左因為佢清清地，而且仲可以割佢D椰肉出黎食!
個椰青偏向細個，但睇返價錢都係 $18...所以又覺得OK!
不過唔係好夠甜.... 而且D椰肉得好少
所以不過不失啦!! 但要黎解渴真係好好!
泰式燒豬頸肉"
呢個係我話要食既! 因為我鍾意食豬頸肉!
佢燒到好香..而且切到簿簿地，所以幾入味!
D豬頸肉夠肥美...GD!
咸魚仔炒芥蘭"
呢個係媽咪話要叫，佢話唔係到到可以整得好食，所以要叫黎試下!
黎到真係覺得勁正，係超級好味!!! 因為佢係超入味，但你唔會又過鹹既感覺!!
勁多咸魚仔，超大舊!!
因為芥蘭好厚，所以比較難炒得入味!! 但佢就做到，所以真係好正! 係不停夾完又夾!
黃咖喱雞肉+特式薄餅"
佢個MENU係無黃咖喱架! 得青咖喱同紅咖喱!
呢個係佢介紹俾我地，佢話好多人叫同無咁辣!
好彩叫左呢個...如果唔係真係頂唔順!
黎到真係一D都唔辣，超香超惹味! 最O岩要黎送白飯，所以我地都即刻叫左兩碗白飯撈汁食!
佢應該落左好多椰汁，所以好香! 同埋我地仲見到好多蛋絲添。
D雞肉應該真係新鮮雞，因為D雞肉好滑同埋有雞味!
特式薄餅點咖喱汁好正! 佢個皮好煙UN! 同好香牛油味，所以好食!
蝦羔炒飯"
呢個係我覺得咁多個菜最為遜色既一個! 但基本上都唔難食!
不過可能我地唔慣...所以覺得個飯濕左D!
如果佢可以炒得乾身D會更好! 同埋好似蝦羔唔係好夠..所以唔夠香。
食完之後肚皮勁滿足，飽到不得了!
不過我地就非常擔心聽日我地塊面會唔會生哂暗瘡姐.... ><
但食左咁多野都係$288...所以真係好抵呀!
我地已經揀定左D野食下次要黎食啦!!! 大家都食下呢間野啦 =)
张贴
