影片
招牌菜
炎炎夏日，我琴夜兴致勃勃去了一趟九龙城，寻味正宗泰国小菜。记住，这次的目标是泰禾美食 - 舌尖上的扑鼻香辣。个人最爱嘅皮蛋虾饼入口就知爽滑惹味，虾饼外脆内嫩，有种话唔出嘅爽口。再嚟就系缤纷串烧，鸡翼烧到金黄酥脆，外皮焦香，掂过碌嚟掂过碌去。🍗唔少得一定要点嘅椒盐软壳蟹，脆得嚟又唔过份油腻，鲜腴蟹肉配埋微咸的椒盐，呢个绝对系开胃小食嘅大赢家！🦀 大蚬黄咖哩更加系一绝，香滑嘅咖喱汁同爽口嘅蚬肉，夹住新鲜嘅薄饼，味道相得益彰，每一啖都喺口腔里迸发出多层次嘅滋味。😋最后但绝不是最不重要，就系清爽开胃嘅椰菜苗，与重口味嘅泰菜相比，提供咗个平衡感，足可清新味蕾。整体嘅用餐体验相当正，环境虽然有啲迫，但呢个都唔掩盖过美食带来嘅满足感。泰禾美食，一个聚会小食嘅好地方，真材实料，足以令人再三回味！👍🏼
继续阅读
今日收工塞车塞到太肚饿，女友又唔得闲理我，太肚饿忍唔住系九龙城落左车，谂住周围睇下有咩好野岩一个人食，行到m记隔离，见到间泰国店，有车仔面餐牌，又突然好想食薯粉，就入左去。可能未到晚市时间，店入面冇咩人，岩哂我呢啲一支公食饭又冇人骚扰。叫左个5𩠌麻辣薯粉，冇错，系「5」呀！5大诉求个5。再加杯泰式奶茶。味道不错，感觉冇味精，唯一可改善系个汤底，麻辣系够辣，但差小小香味，本人可能较重口味，如果味道可以浓多小小，不止辣，更香会更好。食到一半，睇睇个墙身menu,见到我最爱既生虾刺身，于是问老板可唔可以叫半份，始终一个人食6只太多。点知老板好好人，话突登做比我，服务超好👍我去食饭，比较著重服务，始终工作一日咁攰，都唔想食饭都受气既。如果大家经过，都可以去试下，诚意推荐👍
继续阅读
爸爸👨🏻最爱泰菜平时老豆唔钟意出街食剩系钟意落楼下同街坊饮下茶吹下水💦想请佢食饭佢都未必俾面我依个宝贝女👧🏻-今日老豆好兴奋唔知系唔系蠃左马仔呢佢居然主动提议要出街食叫埋伯父伯娘揸车🚙一行五人去九龙城食泰国菜🇹🇭-其实依间菜馆我都帮衬左好多次了由佢刚刚新开张到现在真心觉得服务比其他店好食物质素又唔错-今次多人食所以可以叫拼盘share 食🤤皮蛋虾饼、炸春卷、烧鸡翼，串烧每样都好食炸物粉酱又够薄即炸热辣辣最钟意系皮蛋虾饼同烧鸡翼-另外再叫多两只烧鸡全翼大大只，皮脆好香口十几蚊好抵食唔驶点酱汁原汁原味食都已经好正-椒盐软壳蟹又系屋企人至爱炸得香脆爸爸同伯父用黎送啤酒一流🍻我就觉得略为咸了些少-黄咖哩大蚬咖喱香飘逸著大蚬爽口薄饼伴咖喱汁又系perfect match -酸辣凤爪酸酸辣辣 几惹味凤爪新鲜 爽口-每次食泰国菜都会叫依款 椰菜苗
继续阅读
今日同S先生黎到九龙城揾食，老老窦窦黎黎去去都系泰国菜，睇下拣边间，行下行下我都行左快一小时😱😰S先生话快d决定食边间，佢开声既话唔决定就烦😂拿拿声拣左间唔系好多人细细间既泰菜-泰禾美店员都系泰国人但识讲广东话（呢样好正常其实😂）我主要想讲泰国人开既应该都唔会太差😅服务又好，叫完送劲快就上菜😱冬荫公（细size)-细细锅，颜色同香味都够，好多虾响入面😱有约5只，食一只试下先😱😱😱好弹牙呀，平时食果d都唔会咁弹牙，好赞👍汤好鲜甜，唔会太辣太酸，系香港人钟意既口味，好快清晒😂柚子大虾沙律-呢间就普通啦，正常柚子沙律，虾都系好弹牙，柚子就唔系话太甜菠萝炒饭-本人推介👍真系好好好好好好食，有d意外点会系呢样好食😂食左咁多年菠萝炒饭，平时果d都冇乜味，一味加好多好多菠萝落去搞到唔好味，但呢道个味道好正，好香，觉得好值得叫😂烧生蚝-叫果时都担心会唔新鲜，食第一啖就觉得好新鲜呀😱烧完仲可以保持到咁好难得，不过个酱就有d淡左少少，可能唔想盖过生蚝鲜味，整体唔错，同埋只系$20/只，抵食👍饮品方面-行左咁耐真系好需要啤啤佢，S先生唔饮酒，唯有我自己饮一大支😂佢叫果杯菠萝沙冰几好，好清新，好新鲜既菠萝味，食泰菜咁热气好岩饮呢杯。埋单$25x, 比我预期中平，可能叫得少送，但就好满足，清晒咁走👍下次会再黎
继续阅读
整体上都吴错，可惜地方太细，坐得吴太舒服，椰青就吴够冻，冻的就好好多，的鸡脚叫左小辣，但都系好辣……串烧烧得吴错，爽口得来吴太干，个生菜包炒得都好干身，包落吴会出晒水咁，可以再去
继续阅读