泰禾美 (已搬遷) 新店位置

炎炎夏日，我琴夜興致勃勃去了一趟九龍城，尋味正宗泰國小菜。記住，這次的目標是泰禾美食 - 舌尖上的撲鼻香辣。個人最愛嘅皮蛋蝦餅入口就知爽滑惹味，蝦餅外脆內嫩，有種話唔出嘅爽口。再嚟就係繽紛串燒，雞翼燒到金黃酥脆，外皮焦香，掂過碌嚟掂過碌去。🍗唔少得一定要點嘅椒鹽軟殼蟹，脆得嚟又唔過份油膩，鮮腴蟹肉配埋微咸的椒鹽，呢個絕對係開胃小食嘅大贏家！🦀 大蜆黃咖哩更加係一絕，香滑嘅咖喱汁同爽口嘅蜆肉，夾住新鮮嘅薄餅，味道相得益彰，每一啖都喺口腔裡迸發出多層次嘅滋味。😋最後但絕不是最不重要，就係清爽開胃嘅椰菜苗，與重口味嘅泰菜相比，提供咗個平衡感，足可清新味蕾。整體嘅用餐體驗相當正，環境雖然有啲迫，但呢個都唔掩蓋過美食帶來嘅滿足感。泰禾美食，一個聚會小食嘅好地方，真材實料，足以令人再三回味！👍🏼

今日收工塞車塞到太肚餓，女友又唔得閒理我，太肚餓忍唔住係九龍城落左車，諗住周圍睇下有咩好野岩一個人食，行到m記隔離，見到間泰國店，有車仔面餐牌，又突然好想食薯粉，就入左去。可能未到晚市時間，店入面冇咩人，岩哂我呢啲一支公食飯又冇人騷擾。叫左個5餸麻辣薯粉，冇錯，係「5」呀！5大訴求個5。再加杯泰式奶茶。味道不錯，感覺冇味精，唯一可改善係個湯底，麻辣係夠辣，但差小小香味，本人可能較重口味，如果味道可以濃多小小，不止辣，更香會更好。食到一半，睇睇個牆身menu,見到我最愛既生蝦刺身，於是問老闆可唔可以叫半份，始終一個人食6隻太多。點知老闆好好人，話突登做比我，服務超好👍我去食飯，比較著重服務，始終工作一日咁攰，都唔想食飯都受氣既。如果大家經過，都可以去試下，誠意推薦👍

爸爸👨🏻最愛泰菜平時老豆唔鍾意出街食剩係鍾意落樓下同街坊飲下茶吹下水💦想請佢食飯佢都未必俾面我依個寶貝女👧🏻-今日老豆好興奮唔知係唔係蠃左馬仔呢佢居然主動提議要出街食叫埋伯父伯娘揸車🚙一行五人去九龍城食泰國菜🇹🇭-其實依間菜館我都幫襯左好多次了由佢剛剛新開張到現在真心覺得服務比其他店好食物質素又唔錯-今次多人食所以可以叫拼盤share 食🤤皮蛋蝦餅、炸春卷、燒雞翼，串燒每樣都好食炸物粉醬又夠薄即炸熱辣辣最鍾意係皮蛋蝦餅同燒雞翼-另外再叫多兩隻燒雞全翼大大隻，皮脆好香口十幾蚊好抵食唔駛點醬汁原汁原味食都已經好正-椒鹽軟殼蟹又係屋企人至愛炸得香脆爸爸同伯父用黎送啤酒一流🍻我就覺得略為咸了些少-黃咖哩大蜆咖喱香飄逸著大蜆爽口薄餅伴咖喱汁又係perfect match -酸辣鳳爪酸酸辣辣 幾惹味鳳爪新鮮 爽口-每次食泰國菜都會叫依款 椰菜苗

今日同S先生黎到九龍城搵食，老老竇竇黎黎去去都係泰國菜，睇下揀邊間，行下行下我都行左快一小時😱😰S先生話快d決定食邊間，佢開聲既話唔決定就煩😂拿拿聲揀左間唔係好多人細細間既泰菜-泰禾美店員都係泰國人但識講廣東話（呢樣好正常其實😂）我主要想講泰國人開既應該都唔會太差😅服務又好，叫完送勁快就上菜😱冬蔭公（細size)-細細鍋，顏色同香味都夠，好多蝦響入面😱有約5隻，食一隻試下先😱😱😱好彈牙呀，平時食果d都唔會咁彈牙，好讚👍湯好鮮甜，唔會太辣太酸，係香港人鐘意既口味，好快清晒😂柚子大蝦沙律-呢間就普通啦，正常柚子沙律，蝦都係好彈牙，柚子就唔係話太甜菠蘿炒飯-本人推介👍真係好好好好好好食，有d意外點會係呢樣好食😂食左咁多年菠蘿炒飯，平時果d都冇乜味，一味加好多好多菠蘿落去搞到唔好味，但呢道個味道好正，好香，覺得好值得叫😂燒生蠔-叫果時都擔心會唔新鮮，食第一啖就覺得好新鮮呀😱燒完仲可以保持到咁好難得，不過個醬就有d淡左少少，可能唔想蓋過生蠔鮮味，整體唔錯，同埋只係$20/隻，抵食👍飲品方面-行左咁耐真係好需要啤啤佢，S先生唔飲酒，唯有我自己飲一大支😂佢叫果杯菠蘿沙冰幾好，好清新，好新鮮既菠蘿味，

整體上都吳錯，可惜地方太細，坐得吳太舒服，椰青就吳夠凍，凍的就好好多，的雞腳叫左小辣，但都係好辣……串燒燒得吳錯，爽口得來吳太乾，個生菜包炒得都好乾身，包落吳會出晒水咁，可以再去

我的表嫂推介這小店。地面店比較小，我地不夠6點佢話根上未開。評：呢道外店寫咖哩正，於是我們選了紅咖哩雞，內裡有很多蔬菜，有茄子，雞，菠蘿，豆，個汁不辣，加埋佢有薄餅賣，我俾7/10. 評：小辣冬蔭公，內有幾隻大蝦，內有棷汁味，幾足料。正，一人有一碗。8/10評：菜，炒得夠鑊氣，算幾好，無咩特別同其他店炒的一樣。7/10評：雞翼見好似好好味，不過，醃得唔夠，外脆，不過唔夠咸，沙茶醬有點怪味，少許酸。5/10評：炸軟殼蟹，粉很厚，無咩肉，不過蒜子味夠足。夾了二兩三粒，都係粉。算平好似$68. 總： 都OK抵食，起碼回家後沒有好口渴。

難得好天我地就去咗九龍城試下地道泰國菜，本來去咗一間好多人排隊嘅，但係由於太熱，我地就去咗隔離嗰間細細地又唔多顯眼嘅餐廳啦！裡面真係好細，得一兩張四人枱同埋3至4張兩人枱，所以多過四個人就唔建議堂食啦。地方雖然窄，但唔係好污漕，我都接受到。入到唔知點啲咩，就好求其叫咗啲我地認為泰國地道嘅幾味菜。飲品當然係新鮮椰青啦！佢地之前已經煲熟過一次，跟住再雪凍佢。所以啲椰水特別甜，同埋啲肉都好「冧」啊！值得一試又解渴嘅飲品～豬肉生菜包：唔太食得辣同濃味嘅唔推介食，因為啲餡非常鹹同辣，就算配咗生菜都平衡唔到嗰種重口味。雖然我都好中意食辣，但係真係太鹹啦，落少啲鹽會好味好多。我個人就唔多中意依味餸啦⋯青咖哩：客人可以自行㨂想要啲咩肉，我地㨂咗豬肉。味道真係唔錯，好想咖哩味，但食落去好易入口（味唔鹹唔係好辣）。裡面有好多料，絕對抵食，仲有好多啲泰國矮瓜，我好中意食！我同朋友都係連汁都食埋一滴不留食哂！最後有依個拼盤，可以自行㨂咩肉嘅串燒，嗰蝦餅係新鮮炸好，非常香口。我食到停唔到口，加埋嗰泰式辣醬，一流！春卷味道比較普通，串燒都唔係話太過特別。但係一個拼盤可以食哂三樣嘢，都係一個抵食嘅選擇～

成日去食開個間ok就懶得轉餐廳了，今次係朋友話去呢間，食完就決定要多d轉換餐廳了><叫左8碟加3杯飲品，都係$470，燒烏頭司蚶，我之前未食過，腥過生蠔，半生熟咁食，可以止生蠔癮。蝦餅，細細粒一口蝦餅，易入口芒果炒飯，芒果好甜，飯覺普通炒粉絲，唔油膩，幾好食生蝦，一碟5隻可能會覺得小，但d蝦大隻過出面生菜包，唔記得叫大辣，但都好味雞亦，普通燒雞亦，都ok青檸梳打，好飲，唔太甜，梳打成支上可變2杯，抵飲

在香港問起去哪裡吃泰國菜好, 十個回應當中九個半都必定會說: 當然, 九龍城絕對是泰國人的集中地, 幾乎每條街都起碼有三,四家泰國菜館, 上至大型連鎖的, 小至只有幾個座位坐街邊的都有. 要知道哪一家好吃, 最快的方法當然是問問身邊的友人, 不過有時人人口味皆不同, A說好吃時B又說列入黑名單. 所以有時要知道好不好吃, 合不合自己口味, 還是要親身到訪才能體會. 而這晚又來到九龍城, 正值泰國佛誕期間, 不少泰國菜館都關門十多天, 有營業的只有廖廖可數的幾家, 而泰禾美正是其中一家.這家泰禾美其實都算是小店一間, 門面亳不起眼, 不過位置其實不難找, 正正就在老字號合成糖水的對面, 但附近都有不少同類的泰菜小店, 所以就算是晚飯時間, 人潮也不算很多. 像這晚我們周日大約7時左右來到, 亦完全不用等位. 走進店內地方都相當淺窄, 近門位置就是一大個燒烤廚房, 旁邊狹窄的通道上居然還放了兩張二人枱, 而店內只有3張4人枱, 眼見後方一張4人枱都坐上6,7個人, 而且汽水啤酒一箱箱的全都放在店內桌子的旁邊, 塵埃都不算少的. 而店內唯一掛著的電視就一直播放著泰國劇集, 老實說如果單計環

食物不錯，菜單上價錢算合理叫左冬陰公細, 都幾大碗, 味道唔錯紅咖哩雞, 唔辣, 普通蒜茸包, 6塊, ok小食併盤, 舊春卷燒燶左放底, ok啦泰式炒雜菜, 叫左加辣都唔太辣, 不過味道不錯, 請繼續看題外話

上openrice搵泰菜，見呢間無劣評，就黎試一試兼同朋友慶祝生日。兩個女生食咗5樣餸加一個薄餅同蒜蓉飽仲有椰青同咸檸七，$377，算抵食兼味道唔錯。生蝦，較白色，可能「拿」過，味道一般唔夠爽實，不過個辣汁都ok。肉碎生菜包，有少少辣，勁怕芫茜嘅朋友就唔食到，但我覺得接受到，味道可以。黃咖喱聖子，咖喱汁唔辣但好好味，聖子好多肉，加埋薄餅點咖喱汁一流！見仲有好多咖喱汁，再叫一蒜蓉包，可能蒜蓉較濃味，同薄餅相比，薄餅㚒個汁多啲😁小食併盤，最正係串燒，我地叫咗牛同豬，個沙爹醬好好味，個款小食兩件，啱晒兩個人食。因為串燒好味，朋友再叫埋其他款式的串燒一碟，都係牛，豬，墨丸同個沙爹醬最㚒。想試燒魚，但太飽，下次再試。

又是週末星期五, 同太座去享受二人世界的晚上, 十足老派人的節目, 由於我倆不會唱歌跳舞,餘下的節目頂多找點吃的, 逛逛街, 這夜選擇了九龍城一個少去的地方, 因為吊腳, 尤其是吃到差不多午夜時分回家的Van極之少, 好些時候等上半小時, 這晚來試一間從來沒有試過的小店, 店內比較狹長, 我們被安排座了由門口入第二張枱, 差不多九點到來客人都算多, 但45分鐘過後就似乎開始走一半左右了, 當晚我們試了的有:椰青- 椰水唔算太甜, 椰肉也只是普通的甜,泰式小食拼盤- 所有炸蝦餅/春捲/串燒屬於一般水準田雞香茅金不換沙律 – 田雞似乎是烚熟的, 吃不到鮮味因為已經被辣味蓋過了, 香茅其實只有中心那白色的莖能吃,但那只是很少部份而且同外皮被切碎後根本分不出來,所以只能提升一點香氣, 金不換落了很多但一次過放太多落口會感覺到點點草的苦味, 個人唔覺得呢個配搭OK,下次還叫番普通一點的芒果/青木瓜沙律會容易接受一點!椰汁雞湯 – 這個感覺一種溫純的少辣, 不會刺激至舌頭發麻, 好飲的湯, 雞肉亦沒有用胸肉, 所以整個湯都很合本地人口味, 泰式燒鰂魚 – 第一次叫燒魚亦第一次叫鰂魚, 估佢唔到D肉

九龍城眾多泰式食肆今次真係眾裏尋他千百度最好黎到泰禾美食我嘅晚餐泰禾美係一間格局修長嘅食肆七點左右到入到去只係得好少人所以就坐左係店中間嘅二人枱後尾就愈食愈多人入黎啲位置就係咁 雖然有啲迫 但唔多人都ok嘅坐低之後除左洗碗之外當然要睇下有咩食啦 ::最後揀左三樣餸同粉兩個人食 絕對足夠呀首先黎嘅係今次係第一次食就咁食唔沾醬會有少少鹹味沾埋醬酸酸辣辣口感有啲似好細隻嘅生蠔咁味道開胃 而且辣味十足十分惹味食左一陣 想拎紙巾啦哈哈原來依度有提供埋 依樣要讚呀!!!第二樣餸黎喇就係黃咖喱聖子黃咖喱 唔算太辣 甜甜地配飯就一流呀至於聖子都非常足料入面有成十隻到十二隻左右而家香港黎計好少會咁足料架喇而且聖子煮完之後仍然爽口彈牙但咖喱味就冇入到聖子入面所以聖子入面仍然有自己本身嘅聖子味海鮮嘅感覺愈食愈想食呀!!!!最尾泰式豬肉酸辣河亦黎埋喇依個係用酸辣湯就底配上河粉 豬肉碎 配菜 而成架食落去酸野當然開胃啦辣味亦洽到好處唔會太辣但又唔會缺乏辣味豬肉碎就令河粉充滿肉味河粉係傳統泰式河粉食落唔似香港嗰啲彈牙但整體黎講好味兼醒胃!!!!成餐黎講最尾先黎酸辣河其實令人又想食野最後黎餸次序其實係 河粉&#

九龍城精選泰禾美餐廳，雖然位置少少，也沒有港鐵直達，但味道頂呱呱地好呀！人均120也不介意~炸蝦餅、豬頸肉、烤魚、串燒、椰菜苗、青木瓜沙律、還有我從頭到尾沒有放下的充滿奶味一點都不辣的青咖喱！看看我都把七道菜背下來了！炸蝦餅受到一致好評！吃口超好，很有嚼勁！和醬也很搭~豬頸肉一點也不肥，好多塊，相比炸蝦餅遜色一點點，但愛好豬頸肉的我覺得真心不差。串燒牛肉雞肉好吃些，牛肉有點老，牛丸和墨魚丸有點一般般。椰菜苗點了是需要一點蔬菜來平衡營養，但味道也不錯。青木瓜是最辣的一道，七道菜辣度都很輕柔，幼稚園水準，沙律的稍辣些，開胃不錯，但無需下次再去嘗試。最後！就是最愛的青咖喱，選了牛肉，但肉量少，覺得不太划算，咖喱不是很稠，但奶味超濃，配飯超好的！以致點了兩碗飯！下個月再去闖蕩一次九龍城，或者重慶大廈！不為扶牆進只爲【扶牆出】！如果人均能再低一點就好了，四個人四百七，也不太差啦。

在九龍城逛街中, 忽然有點餓, 很想吃泰式粉麵. 想試不曾光顧過的, 就選這問吧.點了清湯牛丸泰粉, 座位不多, 但服務生只有一位. 頗忙. 過了10分鐘, 終於吃到了. 先喝一口湯, 嘩! 超清甜. 以為是加了味精, 再喝, 噢...那真是清湯, 最後把粉吃完後, 連清湯也全灌了! 好味! 如不是要回家吃晚飯, 我真的想再點一碗! 其實牛丸也不錯, 彈牙. 如果有蘿蔔就更完满!