影片
更多
2024-08-11
156 浏览
今日朋友帶咗我去咗銅鑼灣一間意大利同日本融合菜嘅酒吧，呢間酒吧位於銅鑼灣時代廣場後面，位置相當容易找。裏面裝修非常獨特，走現代禪風黑色裝修風格，營造咗舒適的環境氛圍。➰ Cocktail 〰️ Bao Guk呢杯cocktail主要酒精成份係冧酒，再加埋君度橙酒，混合埋蘋果汁和菠蘿，酒精濃度唔高，口感非常清新，而冰上更有洋甘菊擺設，打卡一流。➰ Cocktail 〰️ Salt Babe呢杯cocktail以陳皮和檸檬做主題、再加埋青檸，而酒精就用咗Gin酒，酒精度唔濃，好啱女士飲。➰ Uni Lobster Bisque Arancini將龍蝦湯再加車打芝士去炸成一舊飯團，咬落去外脆內軟，好香口，而且重有埋拉絲，上面放咗日本海膽，食落嘅口感非常鮮甜。➰ Ham, Burrata with seasonal fruits用咗24個月嘅Parma Ham, 同埋香印提子加哈密瓜，而中間係Burrata芝士，重喺上面灑上咗一層開心果碎碎， 將Burrata芝士切開，再撈埋一齊食先至好味。➰ Butter Sake Clams Pot呢個牛油清油煮蜆，啲蜆好大隻，而且啲蜆肉脹卜卜，味道好清甜，而
➰ Cocktail 〰️ Bao Guk
呢杯cocktail主要酒精成份係冧酒，再加埋君度橙酒，混合埋蘋果汁和菠蘿，酒精濃度唔高，口感非常清新，而冰上更有洋甘菊擺設，打卡一流。
➰ Cocktail 〰️ Salt Babe
呢杯cocktail以陳皮和檸檬做主題、再加埋青檸，而酒精就用咗Gin酒，酒精度唔濃，好啱女士飲。
➰ Uni Lobster Bisque Arancini
將龍蝦湯再加車打芝士去炸成一舊飯團，咬落去外脆內軟，好香口，而且重有埋拉絲，上面放咗日本海膽，食落嘅口感非常鮮甜。
➰ Ham, Burrata with seasonal fruits
用咗24個月嘅Parma Ham, 同埋香印提子加哈密瓜，而中間係Burrata芝士，重喺上面灑上咗一層開心果碎碎， 將Burrata芝士切開，再撈埋一齊食先至好味。
➰ Butter Sake Clams Pot
呢個牛油清油煮蜆，啲蜆好大隻，而且啲蜆肉脹卜卜，味道好清甜，而且重有韓式年糕墊底，年糕吸收晒牛油清酒嘅味道，令到年糕咬落充滿清酒味。
➰ Crispy Short Rib
呢碟Short Rib用咗牛坑腩，肥瘦剛好，而且焗到皮脆肉嫩，再配埋酸酸甜甜嘅山楂紅酒汁榛子香草醬，令到胃口大開，介有埋牛油薯蓉伴碟，薯蓉口感夠晒綿滑。
张贴
