莆田 (荃灣廣場)

营业中

休息中

星期一放工約下成家人出去食飯，家姐就提議去近近地又多野食既荃灣搵好野食。行完荃灣廣場就順便揀左係莆田食晚飯。今次個前菜就揀左個蝦苗拌頭水紫菜，我不嬲都幾鐘意紫菜個texture，呢個前菜酸酸地咁零舍開胃屋企人鐘意食魚，決定叫個百秒黃花魚試下，平時屋企整黃花魚都會比較比較嚡身啲，但呢個魚肉好嫩滑，魚湯一啲都唔腥，啲精華真係係個湯入面，一定要試下魚肉連湯咁試。個芋芯幾有驚喜，自己本身唔太好芋頭都食左好多舊，佢外脆內軟，甜得黎又唔會太膩。滷麵好足料，有蝦、蜆同菇，唔會只係得麵咁寡。佢個質地似係台灣大腸麵線既湯，唔會水汪汪咁，有啲杰杰地。侍應推介一定要試下呢到既紅菇燉土雞喎，原來近排推廣緊紅菇節，咁梗係要叫啦。老火雞湯好有鮮味，啲紅菇同雞既精華都係哂煲湯入面，用左至少半隻雞去熬湯，個湯顏色有少少粉紅色，應該係紅菇既天然色，飲落去有陣淡淡既菇香，同土雞既鮮味好夾。