莆田 (荃灣廣場)

营业中

休息中

響荃灣廣場行街，有少少肚餓都唔知去邊度食嘢好。於是揀咗呢一間解決我嘅晚餐。過往一向食開鑽石山荷里活廣場嘅莆田。一個人食嘢嘅關係，所以淨係叫咗一碗麵同埋一碟魚，過往莆田我最愛咸香煎黃花魚。呢次拎到嚟，忍唔住「嘩～煎到甩皮甩骨嘅.......」整體上質素味道都冇變，服務態度都好好。不過如果談論所有嘅手勢，都係鑽石山荷里活廣場嗰間比較好少少。而且因為疫情嘅關係，所以每個店員嘅制服上面都掛住一個名牌，以名牌上邊亦都寫清楚店員當日嘅體溫，我覺得呢一種好細心，可以比到客人一絲嘅安全感。呢方面我覺得值得一讚嘅。