金龍珠海膽吞拿魚蓉卷
海膽香甜滑順，配上鮮嫩嘅吞拿魚同咸蛋，口感層次豐富，平日唔食吞拿魚嘅我都食咗好多嚿。
粟米脆餅壽司（和牛三文魚籽）
從來冇諗過壽司會用酥脆嘅粟米餅，口感獨特，和牛肉質鮮嫩多汁，配上飽滿的魚籽，離奇地夾！
自家製雞皮蝦
如果要我揀一樣最鍾意嘅，我一定會揀呢個雞皮蝦！雞皮脆得來又好多汁，蝦肉鮮甜彈牙，蘸上特製醬料後更有風味，好好食( ^ω^ )
厚燒牛舌心
牛舌心肉質鮮嫩多汁，帶住醬汁的甜香，令人想encore再encore！
壽喜燒和牛鍋
依個和牛鍋亦同樣出色！牛肉軟嫩鮮甜，湯頭醇厚濃郁，但又唔會好似平時食嘅Sukiyaki咁甜！
依間餐廳每道菜品都好食，亦無一例外地給人驚喜同滿足。
無論魚生刺身，定係熟食，每一道都令人難忘。強烈推薦依間餐廳，仲有依度嘅環境、氣氛都好好，絕對係慶祝節日嘅不二之選。o(^▽^)o
