影片
更多
2018-12-15
617 浏览
同家人來食日式燒肉，揀選中價的 $288 放題，時限100分鐘，任食多款牛肉，豬肉，雞肉，蔬菜......而且仲有沙律，前菜，麵及飯，甜品亦選擇多，性價比高。牛肉有分醬醃同鹽醃及辛味噌，前者食其香味，鹽醃食到牛肉本身原味，辛味噌即微辣惹味，三款都同樣吸引。醬醃牛仔骨燒得好香，帶骨的位置特別嫩腍，牛味突出。秘制燒汁壺漬牛肋肉，醬汁特別滋味，好夾牛肉，質感亦嫩得來有嚼勁，最正無筋位。特選牛霜降迷你扒，其實一點也不迷你，超級大塊，只是薄薄的，更快燒熟。霜降牛扒的雪花脂肪分佈平均，入口好有牛脂香，嫩到好似唔使點咬就化開，味道非常好，我地點左幾次。另外，牛脊肉富有咬口，肉質較實較有肉感，牛味亦夠重。燒肉點少得配飯，點左配溫泉蛋飯，有蔥花同醬油。伴勻蛋黃汁同燒肉與飯一齊食，滋味無窮，好幸福。怕飽既朋友就最岩用生菜夾燒肉食，清減油膩感，仲健康一點。還有豚肉、雞肉同蔬菜類，雞柳肉幾彈牙，肉質雪白，味道都唔錯。豬肉有腩肉、梅肉、頸肉，腩肉最肥美有彈性，豬味濃郁，配泡菜食仲帶點韓式味道。最喜歡薄切的鹽蔥牛舌，快熟易燒，口感仲一流。先燒熟一面，反轉加上蔥花，一陣就食得。好爽口彈牙的質感，又有椒鹽蔥花的惹味同
同家人來食日式燒肉，揀選中價的 $288 放題，時限100分鐘，任食多款牛肉，豬肉，雞肉，蔬菜......而且仲有沙律，前菜，麵及飯，甜品亦選擇多，性價比高。
牛肉有分醬醃同鹽醃及辛味噌，前者食其香味，鹽醃食到牛肉本身原味，辛味噌即微辣惹味，三款都同樣吸引。
醬醃牛仔骨燒得好香，帶骨的位置特別嫩腍，牛味突出。秘制燒汁壺漬牛肋肉，醬汁特別滋味，好夾牛肉，質感亦嫩得來有嚼勁，最正無筋位。
特選牛霜降迷你扒，其實一點也不迷你，超級大塊，只是薄薄的，更快燒熟。
霜降牛扒的雪花脂肪分佈平均，入口好有牛脂香，嫩到好似唔使點咬就化開，味道非常好，我地點左幾次。
另外，牛脊肉富有咬口，肉質較實較有肉感，牛味亦夠重。
燒肉點少得配飯，點左配溫泉蛋飯，有蔥花同醬油。
伴勻蛋黃汁同燒肉與飯一齊食，滋味無窮，好幸福。
怕飽既朋友就最岩用生菜夾燒肉食，清減油膩感，仲健康一點。
還有豚肉、雞肉同蔬菜類，雞柳肉幾彈牙，肉質雪白，味道都唔錯。豬肉有腩肉、梅肉、頸肉，腩肉最肥美有彈性，豬味濃郁，配泡菜食仲帶點韓式味道。
最喜歡薄切的鹽蔥牛舌，快熟易燒，口感仲一流。
先燒熟一面，反轉加上蔥花，一陣就食得。
好爽口彈牙的質感，又有椒鹽蔥花的惹味同好香蔥味，正！
除左肉，仲有海鮮燒，有蝦、帶子、魷魚、蠔等等，都值回票價。蝦肉都微彈，唔算好大隻，但可以任食已經好抵。魷魚有鮮味又彈，可以點多幾次。
連金姑菜都有得燒，好香牛油味，極邪惡的誘惑。
蠔肉脹卜卜又大隻，燒熟又香又嫩滑，蠔味重。帶子仲夾牛油味，嫩彈鮮甜，又係必食推介。
醬汁秋葵，幾爽口幾女味，原來醃壽司醬汁，味道都好好。吞拿魚蕃茄他他，雖然吞拿魚少，但蕃茄新鮮多汁，清新口味正好中和肉的膩感。
羽衣甘藍沙律，用醋汁調味好清爽開胃，配燒肉食亦得，幾健康又可以平衡一下味蕾。
飲品都是任點的，有汽水、茶等，選擇唔算多，但就有可口可樂的plus，都岩飲。另外，有罐裝啤酒同生啤等，酒類就要另外付款。
明太子芝士石鍋飯，熱辣辣上枱，拌勻來食好岩冬天食，而且放耐左都仲保持熱度。芝士味唔算好重，所以食完唔膩，有明太子鹹香同辣辣地，最底仲有飯焦。
唔夠飽仲可以叫個迷你拉麵，有塊大叉燒，拉麵彈牙，湯底係豬骨味，幾正。又係岩冬天食既熱辣辣之選。
精選蛋糕係朱古力布朗尼，蛋糕底有半軟心的濃郁朱古力味，望落平凡，原來都有驚喜。
係咪估唔到可以燒香蕉，燒到成條黑哂就得，經燒過既香蕉都特別香軟腍滑，仲甜左同重咪左，配燒棉花糖更美味。仲有燒菠蘿同蕃薯仔，前者用新鮮菠蘿，所以酸甜都有；後者是迷你版蕃薯，可愛又香甜。
鯛魚燒都有！
一定要慢火細烤，太大火會燒黑同中間仲凍，所以教細火慢慢燒，中間紅豆餡都熱，外脆內軟就完美。呢隻燒得太靚啦。
最後仲有雪糕同雪條，每人一款，movenpick有雲呢拿、朱古力、士多啤梨，而雪條有芒果糯米飯。全部都好正好味，唔知點揀好，就同朋友交換食下，但雪條就要獨享啦。
张贴
