大滾友火鍋 (美新大廈)

营业中

休息中

一路都想搵坐得舒服嘅火鍋店，而且下午會開門營業嘅火鍋店不多，很多都會落場休息。想食個late lunch嘅話嚟呢度就啱晒了。首先講裝修同埋啲碗筷同埋個煲嘅設計都非常靚（雖然覺得有啲浮誇，但係氣勢十足）全部都係以宮廷嘅格調。揀咗個火鍋湯底係花膠雞，有半隻雞係另上，花膠喺你面前剪開放落去，再一滾非常鮮味。牛肉不過不失，但係啲餃子同埋啲肉丸都非常正。餃子同埋肉丸都好創新，好有驚喜，即炸響鈴亦都非常香口。總括來講雖然價錢係貴少少（六點前買單有折）但係好抵食。