Burger Joys (士丹利街) (已結業)

在中環最緊要識搵食，今日比我搵到去，本身是行上面行人扶手電梯上去搵食，但因為行錯了，所以行了上去，轉個灣在街角就見到佢，出面係有傳統風味嘅大排檔，但天氣比較熱，都係有冷氣嘅地方好啲，這裡座位唔算多，但感覺唔錯，望主餐牌，好快就可以落單，造裡食物主打以漢堡為主，點了人氣芝士牛肉漢堡，加錢升級為套餐，有汽水加薯條，我就一次過升級埋杯草莓奶昔，而薯條就要扭扭薯條，小食就係最愛嘅經典水牛雞翼，等了一陣，店員就送上美食！扭扭薯條炸得十分香脆，加埋個茄汁，味道十分配合，最緊要夠熱夠脆口！而個經典水牛雞翼都十分出色，雞翼上塗滿了水牛城汁，入口時嗰陣酸辣感覺十分濃郁之餘，外皮脆雞肉嫩滑軟熟加埋個芝士醬入口，味道更濃郁！主角芝士牛肉漢堡，包包外面夠脆身，中間夾住塊牛肉味道濃郁嘅牛肉漢堡同已熔化嘅芝士同埋爽口嘅酸瓜、生菜、醬汁，一啖入口個種感覺十分滿足！肉汁只在口中迴盪，正！草莓奶昔味道香滑濃郁，上面還有香滑嘅cream，大大杯，確實係今晚嘅最佳配搭飲品！一解天氣悶熱嘅感覺！下次唔會行錯都會再來！