Honbo (裝修中)

雖然話疫情仍未受控，但始終人係需要有美食陪伴既，今日就同左男朋友去灣仔Honbo食野，店名叫Honbo，當然就係賣漢堡。提供既Burger大部份都係牛肉漢堡，差別只係在於芝士同牛肉既份量。我就嗌左個Cheese Burger $88，呢個份量對我岩岩好，仲比其他漢堡多咗塊生菜，而4 Oz嘅漢堡扒咬落好juicy。我隔離隻食肉獸就嗌左個Honbo 2.0 $148，見到個包果陣嘩左一聲，根本數唔到漢堡同芝士有幾多層，只知咬落去既滿足感夠我回味幾日。食漢堡真係唔可以冇左薯條，我地就嗌左個Cheese Fries $58，薯條係Mcdonald果款 (如果係粗薯就好)，每條都掛滿芝士醬，但可惜既係食果陣完全唔熱，有D失望。仲嗌左杯Ginger Lime Lemonade $38，味道尚可，不過不失。