240
30
10
港铁金钟站 F 出口, 步行约7分钟 继续阅读
所有分店 (3)
电话号码
25678970
开饭介绍
装潢以希腊风为主,部份菜式使用本地食材制作,如牛腩及由元朗农场出品的蔬菜。 继续阅读
营业时间
今日营业
12:00 - 16:00
17:00 - 22:00
星期一至日
12:00 - 16:00
17:00 - 22:00
付款方式
Visa Master AlipayHK 支付宝 现金
食记 (299)
锺意食burger既我,一直都觉得湾仔系食burger既天堂,随左有Burger Joys、Burger Home、FIVE GUYS、我之前介绍过既The Butchers Club、仲有今次我觉得系湾仔最好食既burger Honbo。呢间Honbo系上年入选左美国知名数据网站bloomberg全球最佳汉堡包店嘅名单当中42间入面其中一间,全香港第一间都系唯一一间入选,Bloomberg不嬲都会根据全球米芝莲星级厨师同其他获得国际奖项既厨师意见,可见今次冲出国际既Honbo来头唔小,而且佢系2019年国际旅游网站Big 7 Travel公布既「亚洲50间最佳汉堡店」排名第13,知名度绝对唔输过同区排名第5既Burger Joys。呢间小店喺2017年创办,而家有三间分店,我去帮衬既呢一间系湾仔日街既本店。系湾仔读左九年书都无行过湾仔既日月星街,可能本身近金钟啲,而且平时无咩可能会经过,要行斜路或者楼梯先去到,但正正就系呢度隐藏左好多美食。湾仔本店系行希腊风,门面系白色同蓝色拼合,设计系特登搵一间伦敦设计公司主理,Honbo系餐厅名,同时系广东话既英文港式拼音。装修都几雅致,有一面lakemont blue墙,加上店内霓红光管设计,用白砖枱同黄铜灯配衬,地方细细,坐满大概系20几个人,枱都细细张,但有齐吧枱、communal table同窗边开扬位,感觉几chill,但如果系同朋友一齐食会几迫下,但我果次系一个人去,再加上限聚令左块板,所以自己就坐到两个人位嘅位置,叫做宽敞啲。餐牌主要系10几款汉堡包,最平$88,最贵$178,平日有午市套餐,包配菜同饮品,会平少少。主打本土自家制美式经典芝士汉堡,汉堡、酱汁同扒都系自家制作,招牌汉堡有honbo同cheeseburger,特色既汉堡有软壳蟹汉堡、带子汉堡等,汉堡包外亦有芝士薯条同厚切番薯条,饮品有唔同既lemonade、iced tea、lemon tea同手工啤酒。-🍔 Honbo 2.0💰168,set 208(👅: 9.5/10)Honbo系呢度嘅招牌汉堡包,另一个招牌就系cheeseburger,而Honbo 2.0 就系1.0 份量既两倍,足足四块两安士既汉堡扒,三重芝士。我自己个人唔算大食,其实honbo跟set都够饱,不过第一次想食得满足啲就叫左honbo2.0,honbo本身唔算好大个,但连埋个餐我觉得系足够。食汉堡包,最紧要就系个包,但香港真系冇乜边间餐厅讲究面包嘅品质,呢间汉堡嘅老板就用左9个月时间发明左呢一只包,佢系用咗25%薯粉同埋牛奶去做嘅汤种面包,虽然成本贵D,保鲜期得48个钟,但比起常见既牛油brioche面包,质地坚挺啲、更有弹性、香味自然,解决左因为香港潮湿既天气令到薯仔好易发霉既问题,更加适合用来做汉堡包同更加接近加州style。面包系夹馅料之前会稍为烘一烘下,所以咬落去系小小脆口,馅料既水份同埋酱汁拿捏得几好,口感真系无可挑剔。个包嘅size同厚薄对进食来讲亦系啱啱好,唔会话太大个摆唔到落口食,香港好多汉堡包都系做到劲高身,其实个口系食唔到,最後都系要切开嚟食。面包最出色嘅位系做到乾身,原因系因为佢酱汁既份量岩岩好之余,仲有无落到香港好多汉堡包都有落既蕃茄,因为蕃茄一多就比较容易出水,整湿个包,今次呢个汉堡包系故意无落蕃茄,大厨有意识到呢个问题,所以解决左一个经常汉堡包会出现既一个问题,但同时因为佢哋系故意唔落蕃茄,所以如果锺意汉堡包有蕃茄嘅你就会觉得唔啱食。汉堡扒牛肉系美国入口香港,系用咗七成美国USDA Prime牛肩脊同牛肋条,再混合三成本地新鲜牛腩,用本地食材令到汉堡保持新鲜。牛肉每日朝早新鲜绞碎然後手搓成波,用牛肩同牛腩部份做成肉波,唔会加调味剂同添加剂,而且会用传统既smash style大力压扁,食落去会比较脆口。honbo汉堡扒分开两块,增加煎既面积,食落会乾身啲香口啲,至於店舖另一个招牌cheeseburger会一块过煎,食落会juicy啲。牛肉够热辣辣,因为即叫即做,有order先会放入450度既扒炉。牛肉食落有少少肉味,汉堡扒有咬口,食得出唔似系用机打出黎,系有口感,食到一粒粒肉,见到牛肉略有嫩粉红色,生熟程度啱啱好,突出香浓嘅肉味,调味唔多,用海盐加上酸甜酱汁已经好够。至於汉堡包入边嘅配料有洋葱、自家腌温室青瓜同水耕菜,加上芝士同自制嘅秘制酱汁,特别一提系呢间餐厅好锺意用本地既农产品,好似汉堡包入边嘅水耕菜都系本地农场出品。菜唔多但食落都唔觉油腻感,可能佢本身乾身而且唔会成个包都系油,只需芝士带出咸味已经足够,芝士系澎湃,因为系每两层肉中间加。-🍟 Fries 💰0 for set(👅: 8/10)店舖最出名系炸番薯条,但我平日大概两点坐到入去,想叫个时已经卖晒。得返普通薯条。薯条都唔系来货,系厨师每朝刨皮切条,即炸两次脆,薯条表面炸到金黄香脆,食落脆口够乾身,够热辣辣,粗度适中,薯味够,甘香粉糯,就咁点茄汁已经好食。-🍹 Apple Pie Iced Tea +💰10(👅: 7.5/10)饮落肉桂味几浓,好似真系饮紧苹果批咁,偏甜,系茶味带小小苹果批香味,不过如果连冰都系茶底会更好。-🌟 价钱黎讲唔计2.0同set,honbo都算系香港既中价至贵价汉堡(98),对比起香港既中价连锁汉堡包burger king、shake shack、five guys、mos burger既大约41-85价钱,但只要比多小小钱,可以食到另一个级数既汉堡系绝对值得。呢度既优胜之处系包系烘过够脆,做到好多汉堡做唔到嘅乾身,虽然佢配料唔似其他咁丰富,亦都唔似Five Guys咁可以自己拣配料,但佢已经系好好食,所有嘢都系恰到好处。牛肉嘅味道系足够,唔会输比喺扒房食到嘅牛肉。成个汉堡好食在用料同料理想法,而唔系好似Five Guys咁靠酱汁。汉堡嘅味道绝对系水准之上,甚至系我香港食过最好食嘅汉堡,而且呢间小店系选择食材或者处理食材上面都有自己嘅做法同谂法,会讲得出点解要用呢种材料,或者点解要咁做,对比起好多餐厅厨师讲唔出点解要咁煮,而食材更加只系睇个买手入啲咩平货方便啲,其实背後冇乜原因,而呢间餐厅有自己谂法喺料理入面,已经系值得一赞。喺薯条方面,我会觉得Five Guys更胜一筹,如果只系计原味,无论系味道上定系份量上。饮品上选择好多,但我个人会prefer five guys既milkshake,喺汉堡店入边,我觉得比较难搵到嘢饮可以赢到咁邪恶嘅milkshake。总结呢间应该打後都会成日帮衬,因为系湾仔几方便,下次会再食honbo或者cheeseburger同佢既招牌甜番薯薯条。-👅味道: 9.5/10🍴环境: 7/10💰消费: $240 (服务费: 10%) 继续阅读
等级2 2021-07-18
78 浏览
呢间餐厅已经好多人介绍过,听闻系最佳汉堡。今日专登嚟朝圣,食完之後去楼下做yoga。铺面比较细,因为疫情关系大枱放咗胶板间成一格格,两个人坐都唔会好迫Ge。叫左 honbo,sweet potato chips同lemonade。个burger好食,patty有肉味又唔鞋,加埋d酱,几好食。Sweet potato chips就甜甜地咸咸地咁,因为佢切得好厚,所以口感ok,都唔错。Lemonade就好後悔叫左,因为超级甜! 继续阅读
(以上食记乃用户个人意见 , 并不代表OpenRice之观点。)
Honbo系全港唯一一间入选Bloomberg全球最佳汉堡嘅burger店,试完终於知道点解咁出名🤤 虽然影落去唔系话好igable,好澎湃咁,但真系好好食!比起其他嘅burger店,佢嘅配料无咁丰富,尤其无咗一般burger会有嘅蕃茄,但佢地系故意唔落蕃茄,为免整湿个包影响口感,即使系我呢好锺意食蕃茄嘅人,都觉得唔落蕃茄系一个正确决定咁~~𝓞𝓿𝓮𝓻𝓪𝓵𝓵~ ✨价钱:7/10👅味道:8.8/10🌌环境:7/10★Honbo ($98)第一次去试就叫咗佢哋嘅signature,入面有两块2安士嘅牛肉patty,配上芝士、酸青瓜、洋葱同埋秘制嘅sauce。汉堡包烘到轻微脆口,仲保持到乾身,食落好松软,成个包嘅大细我都好满意,啱啱好系摆到入口嘅size✨ 牛肉patty特意分做两块,比起一块厚身嘅,食入口会更加香脆同有层次,但依然保留到肉汁,而且牛味好出★薯条 ($38)薯条令我劲有惊喜!相比粗身嘅薯条,我一向比较锺意食幼身薯条,暂时食过最好食嘅系喺La Vache! 但Honbo嘅薯条同佢难分高下!薯条本身已经有淡淡嘅调味,即使唔落茄汁都已经好够味,每一条都炸到脆身,食到最後都无一条系腍嘅!而且好神奇嘅系,佢一啲都唔油腻,只有好少嘅油会残存喺手指~ 继续阅读
(以上食记乃用户个人意见 , 并不代表OpenRice之观点。)
等级3 2021-07-10
0 浏览
一直听闻Honbo开咗几间分店都未有机会试佢哋嘅burger入选全球最佳汉堡个朵咁响就试吓佢咩料先嚟到湾仔店 店舖比想像中细四人枱都得3-4张2人枱就迫住系张大长枱食环境比较迫夹但装修几靓几特别Double Cheese Burger汉堡劲大个 口细啲都咬唔哂Beef Patty唔算好厚 煎到微焦用多种牛肉打成 牛肉味好浓 咬落啲肉汁同油分咇哂出嚟 唔会好乾夹住半溶嘅芝士 邪恶级数120%!Double Cheese加Double Patty双重享受食得好开心自家制面包都算软熟唔会太乾争争仲有生菜同蕃茄食到尾段有啲腻嘅感觉 虽然价钱偏贵 不过呢个汉堡系有啲料到🥰Cheese Fries晚餐呢度系冇Combo所有野都要散叫 包括啲Sides讲返个薯条幼薯条上面淋上芝士酱好难难食嘅组合 正常发挥Buffalo Wings个buffalo wings又几有惊喜炸咗嘅鸡翼再用自家制酱汁调味甜甜酸酸带微辣鸡翼外皮香脆肉嘅部分唔会炸到好乾 几惹味终於嚟到一试Honbo 符合预期虽然价钱偏贵 但性价比几高啲Sides就可试不可试如果想去食嘅话建议去其他两间分店会冇咁迫 继续阅读
(以上食记乃用户个人意见 , 并不代表OpenRice之观点。)
Burger迷必试!香港唯一一间入围「全球最佳汉堡2020」名单嘅Burger店😍Honbo嘅burger包体几好食,整体唔算好大个,价钱偏贵少少。我觉得想丰富啲一定要嗌double,得一块汉堡食完唔够满足。t︿t 薯条就劲香口,好有薯味,唔理热气喇👅因为无得堂食,但又想即刻食,所以外卖完就去隔离个公园仔开餐。饮住啤酒,都几舒服嫁~ 不过我食嘅时候系早几个月喇,而家热到咁梗系室内食啦!🙈大家都要注意保暖呀!Honbo地址: 湾仔日街日新楼G/F 继续阅读
(以上食记乃用户个人意见 , 并不代表OpenRice之观点。)