幸屋

营业中

休息中

灣仔機利臣街維昌大廈地舖有一間食日本拉麵嘅舖頭叫做幸屋， 雖然唔係喺大街大巷，幸屋嘅裝修好有日本feel ，出品亦合我口味。今日帶朋友去食，老闆熱情招呼。12月限定優惠係黑松露蜆湯沾麵，麵彈牙可口，分量非常之多。麵裏面有五六隻飽滿鮮甜嘅蜆， 日本叉燒原汁原味，仲有好多配菜好似木耳、葱同筍呀， 當然仲有黑松露啦! 吃沾麵嘅汁非常濃郁惹味，也充滿黑松露味。我哋另外叫咗一個胡麻王湯麵， 因為我好鍾意食芝麻，佢真係有好濃郁嘅味道，湯裏面有好多黑芝麻，有一個完整嘅溏心蛋，同埋厚厚的日本叉燒 ，還有好多蔥、木耳啦，因為我比較鍾意食素菜，所以非常合我嘅口味。我好鍾意食幸屋嘅日本餃子🥟， 呢度嘅餃子🥟 賣相好又好味，佢嘅特色係有一塊薄脆在餃子上面， 薄脆面上面仲有沙律醬同埋木魚🤤🤤🤤。我哋又食咗炸芝士年糕，裏面有啲軟滑嘅芝士，同埋啲糯米香口滑溜，炸得剛剛好。一口半個，一掃而光😋。朋友都讚，話會再幫襯。