幸屋

营业中

休息中

喺灣仔做完嘢，知道附近有間拉麵店，一於入去返碗先。拉麵店環境舒適，坐得舒服。有拉麵有沾麵，一於同同事各叫一碗。🍜 櫻花蝦味噌拉麵一上枱就俾成座「櫻花蝦山」震撼到！湯底用赤味噌混蝦頭熬煮，橙紅色湯汁稠到掛匙！麵條咬落彈牙有麥香，最正係雙豚肉叉燒，厚切腩肉慢煮到入口即化，薄切肩胛肉炙燒到焦邊脆口，夾埋流心蛋黃同脆口木耳絲，非常滋味。🫕 魚介豚骨沾麵經常出現的話題，拉麵vs沾麵，倒不如各點一款比較一下。沾麵湯底稠到可以掛企匙羹，魚介嘅煙燻香撞豚骨嘅膠質。而沾麵底屬粗麵，冰鎮過上枱，咬落非常Q彈，夾一束浸落熱辣辣湯汁3秒——掛汁力爆燈！另外，配料嘅慢煮叉燒腍到離譜，糖心蛋流汁撈湯更邪惡。🥢 小食- 冷豆腐：凍豆腐淋鰹魚汁，面頭灑上木魚花，夾埋青瓜絲同蔥花，非常清新。- 芝士年糕：流心芝士湧出嚟！外糯內流心嘅雙重口感，記住趁熱食，凍咗會變芝士橡膠波㗎！後感：食幸屋，真幸福。

🔎幸屋（灣仔）琴晚同閨密去咗灣仔呢間「幸屋」食拉麵！一入到去就覺得好有日本居酒屋嘅feel紅色燈籠同布簾，好有氣氛～🎐我哋叫咗兩碗拉麵，仲有冷豆腐同和風餃子🥟首先講個胡麻王豚骨拉麵，個湯好濃郁～仲有陣好香嘅胡麻味！每日新鮮製造🤣豚肉好淋好入味，麵條口感都幾彈牙🤤 仲有個帶子鰹魚湯赤雞胸拉麵，湯底好鮮帶子好新鮮，雞胸肉都幾嫩滑兩碗拉麵都好正，完全冇失手～✨冷豆腐好滑溜，配埋個醬汁，好清新～🥢 和風餃子都幾香口，外皮脆卜卜，內餡都幾足料兩個人食到好飽，性價比幾高㗎！呢度仲有得飲Sapporo生啤下次想chill下，都可以再嚟試下飲酒食小食🍺

位於灣仔嘅幸屋門外掛上紅燈籠店內充滿日系裝潢除左拉麵外，仲有沾麵、丼飯、定食同小食試咗呢度嘅沾麵．有驚喜✨魚介豚骨沾麵湯汁熱辣辣．味道濃郁亦唔會太鹹鍾意呢種粗身嘅麵質．口感豐富加入魚介之外．仲有流心嘅溏心蛋．紫洋蔥．椰菜等配料．日本嘅香蔥真係特別新鮮香脆✨蒜香雞軟骨即炸嘅雞軟骨特別香脆加入粒粒炸蒜．充滿蒜香味．嚼勁十足✨Sapporo生啤啤酒之中最好飲真係日本嘅Sapporo冰凍夠汽又容易入口$48 /500ml 超大杯$99/3杯 同朋友嚟Happy Hour 就啱哂啤酒配埋小食真係好正

灣仔有間拉麵🍜店正宗又好吃😋， 街巷的一間小店， 都算係平靚正的拉麵店， 有次下雨天見到呢間入去幫襯，店員幾好禮貌，所以一定會再幫襯！櫻花蝦味噌拉麵🍜櫻花蝦超多鋪滿在拉麵上。揀咗幼麵，加上角煮豚大大塊好厚切，配上拉麵🍜好食！魚介豚骨拉麵麵以掛湯模式品嚐，熱魚介滾滾而來，非常正！溏心蛋配埋豚骨品嚐風味十足另還有點了小食的：芝士年糕 及芝麻雞翼呢兩個人食到飽足幸屋 地址：灣仔機利臣街5-9A號維昌大廈地舖

➲ 灣仔 幸屋➳ 帶子鰹魚湯赤雞胸拉麵北海道帶子+鰹魚雙鮮暴擊！湯頭金黃透光，赤雞胸慢煮到粉嫩滑溜，一啖肉一啖湯，海洋鮮甜撞雞香，溏心蛋流心撈湯仲邪惡～麵條掛汁力MAX，嗦嗦聲清碗冇難度！ ➳ 赤武士辛味拉麵辣魔挑機必點！自選辣度，湯底豚骨混秘製辛醬，濃厚帶焦香，叉燒厚切，炙燒焦邊脆口，溏心蛋漿爆出融入辣湯，食到鼻尖冒汗，嗜辣狂人認證。➳ 吉列廣島蠔即炸上枱，外皮金黃薄脆，咬開蠔肉爆汁鮮甜，蘸沙律醬解膩一流，重點係冇粉感！蠔肉肥美，一碟3隻？完全唔夠喉啊！ ➳ 炸餃子餃子薄脆到透光，餡料爆滿肉汁！咬後湧出肉汁，點埋餃子汁鹹香翻倍，熱辣辣燙嘴都忍唔住連吞三粒～ ➳ Sapporo生啤冰鎮札幌生啤！泡沫綿密似奶蓋，麥香甘甜中和拉麵濃膩，掃走暑氣。⤵ @yukihouseco灣仔機利臣街5-9A號維昌大廈地舖

話說之前去完灣仔展覽已經嚟食過幾次,見餐廳新推出咗夏日menu所以再嚟一試😆平日晚上嚟好彩唔洗排隊！！鰹魚出汁冷撈麵 $88夏天限定menu ~~個汁好出色！！而且麵同肉嘅份量好多🙈食唔晒🤣🤣🤣🤣味噌廣島蠔雞湯拉麵 $128湯底好濃郁😍廣島蠔嘅鮮味好重，整體都好好食和風餃子 $38必叫！！！好喜歡個脆皮😍😍凍左都咁脆！！！餃子都好食！！冷豆腐 $32豆腐好滑，做開胃小菜好適合💖💖💖💖

🦪🐔🍜廣島豪赤雞湯拉麵🦪肥嘟嘟的廣島蠔大大隻，水噹噹又嫩又多汁😍非常奢侈。蠔肉咬下去是海水味道，拉麵湯也有很重的海鮮味。赤雞肉有2大塊，雖是胸肉部位但很軟嫩。其他配料有紫菜、筍、溏心蛋、洋、木耳蔥和蔥花。重點會拉麵中的一片檸檬🍋，一定要用筷子捅碎入湯。檸檬的酸口和清香，令蠔肉和拉麵提昇至另一種層次。🥟和風餃子日式煎餃的味道每間居酒屋都大同小異，但👍🏽👍🏽衷心稱讚小店的這款煎餃是冰花皮。而在皮的另一邊淋上燒汁、沙律醬和木魚碎，真是有在吃脆卜卜大板燒的錯覺，非常有心思❤️。若與友伴同行，必須點一客共享滋味。

冷豆腐 冷豆腐滑捋捋，好純嘅豆香。滿滿嘅木鱼花鋪喺面，加埋蔥花同豉油，入口好嫰滑，開胃又唔膩，夏天做前菜啱晒～ 和風餃子 佢個和風餃子係煎餃，底面金黃酥脆，咬落卜卜脆！仲要塊餃子皮一啲都唔厚，少少煙韌唔會淋曬，裡面啲陷好滿而且多汁，肉香夾住蔥香，直接想叫多幾碟～ 味噌廣島蠔雞湯拉麵 湯底好濃郁，味噌嘅鹹香夾住雞湯鮮甜。廣島蠔大隻又肥美，咬落嫩到爆汁；雞胸肉出乎意料地好嫰滑，加啲檸檬汁食落好清爽。拉麵掛住湯汁，彈牙入味，大推～ 魚介豚骨沾麵沾麵醬好濃，魚介鮮味同豚骨濃香融埋一齊，掛喺麵上面，啖啖都好夠味！麵條食落幾有咬口，溏心蛋流心好正，勁中意食溏心蛋！佢個豚骨好大舊，肥瘦均勻，醃味醃得啱啱好，鹹淡適中。食到後尾加湯變湯麵，又有另一種滋味，幾過癮～

餐廳裝潢以木系為主，牆身大量日本經典海報作點綴。富有日本風味，而且店員友善親切。主打拉麵及沾麵，豬骨湯底皆是每天新鮮製作，拉麵的粗幼及軟硬度、湯底濃度、辣度及配菜分量等，統統都可以按個人喜好選擇。另有丼飯和日式料理。味噌廣島蠔赤雞湯拉麱湯底以加入蠔熬製，口感濃稠，帶有海鮮的鮮甜味配上用低温慢煮去做的雞肉，吃起來很軟嫩。赤武士辛味拉麵 叉燒厚切肥美，香氣獨特，濃厚的辛味豚骨湯底，質地細滑濃厚，可以自由選擇辣度，越吃越上癮！紫薯栗子餅上桌時已分好一半，清楚看到內裡綿密的紫薯，配上甘粟的軟綿，帶甜的餡料，口感豐盛。炸雞炸雞非常厚身，而且外皮炸得非常酥脆，內裡嫩滑多汁，咬起來非常有口感。

同朋友再訪灣仔嘅「幸屋」，環境舒適有日式Feel ~ 食物一流❤️ 今次試咗幾樣新菜式，人均$100左右~ 真係抵食！🥢今次試左新野~ 黑蒜濃厚山菜豚骨拉麵。湯底濃郁，豚骨湯用慢火熬煮，入口滑順帶濃厚豬骨香，混雜黑蒜嘅甘香同山菜嘅清新，味道層次豐富，唔會太膩。日式叉燒味道都唔錯~ 而麵條粗身有彈性，食落好滿足。配料仲有京蔥同木耳，爽脆解膩🥢醬燒牛肉丼。好有驚喜，牛肉切得厚薄適中，燒得外焦內嫩，醬汁甜鹹惹味，配飯同洋蔥，飯粒吸晒醬汁，真係食唔停口~🥢和風餃子。即叫即煎，仲要係傳統冰花脆底~ 皮薄微脆，內餡豬肉鮮嫩，帶點薑同醬油香，沾醬油同醋食好開胃🥢蟹籽沙律。夠晒清新，沙律菜新鮮，配上蟹籽同日式芝麻醬，入口爽脆

這次在灣仔的日式拉麵店吃得真開心！我點了帶子鰹魚湯赤雞胸拉麵，湯底超鮮，帶子嫩滑，雞胸肉也煮得剛剛好，真係一口接一口。炸餃子外脆內嫩，餡料多汁，配上醬汁更美味。櫻花蝦味噌拉麵味道也很特別，味噌香氣濃郁，搭配櫻花蝦的鮮味，簡直讓人愛上這種組合。最後，蟹籽沙律的份量也很足，食材新鮮又好看，吃了讓人心情大好。總體來說，這間拉麵店的環境舒服，服務也不錯，真係喜歡日式料理的朋友值得一試！下次再來試試其他菜式！

第一次嚟呢間日式拉麵店, 裝修好有日式風格, 呢排冇去日本玩🧳, 食下拉麵🍜, 解下思郷之苦😁😁🥔帶子鰹魚湯赤胸拉麵 $108食拉麵第一口一定要品嚐湯底🤗, 鰹魚湯底比較清淡, 配白肉最搭, 湯內仲放咗片檸檬, 越食檸檬味越出, 感覺非常清新🤤, 帶子好大粒😚, 雖然係雞胸肉, 但一啲都唔嚡, 推薦👍👍🥔櫻花蝦味噌拉麵 $88呢款湯底非常濃郁😋, 櫻花蝦份量超多🤩, 叉燒分咗厚、薄兩款, 有著唔同嘅口感, 感受到餐廳用心嘅製作🫶🥔芝麻手羽 $38手羽炸得好酥脆, 加入芝麻好特別, 咀嚼嘅時候會食到芝麻嘅焦香味😋😋🥔芝士年糕 $38外脆內軟, 芝士味濃郁

一入店內極臭既up味，好似去咗公廁咁，已經覺得伏伏地，店員入座問我哋飲熱茶定水，揀咗熱茶，點知原來係熱水加茶包，同女友叫咗赤湯食，湯底得一浸辣味，完全食唔到有任何湯頭味，食完勁口渴懷疑係味精湯。叉燒又瘦又冇肉味，麵身同味千拉麵一模一樣，唔掛湯又幼，好難食！ 如果食拉麵湯底同麵身都唔好食，點解我要入黎食？ 仲要係$80幾$90蚊，同女友一路食一路鬧，快手食完即刻走當跌錢，openrice有成9百個好評，嗰啲人係咪食屎大？

⭐️蟹籽沙律青瓜絲、沙律醬拌埋蟹籽，好清新。⭐️帶子鰹魚湯赤雞胸拉麵湯底比較清，帶有小小鰹魚味。帶子好大隻好新鮮，雞胸肉好滑唔鞋。比較適合淡口味嘅人。配菜仲有木耳、蔥、椰菜、流心蛋等等。⭐️吉列炸蠔、可樂套餐加配的，炸蠔炸得好酥脆，正。⭐️黑蒜濃厚山藥豚骨拉麵一埋枱已經聞到超級香蒜味，作為重蒜愛好者覺得讚。湯底好濃郁嘅豬骨味。初頭以為面個啲係炸蒜，原來係肉碎，好香。叉燒肥瘦適中，唔錯。適合較重口味者，推薦。

琴日盲中中闖入灣仔呢間「幸屋」，點知一試直接升華我嘅拉麵觀！佢哋專攻濃湯系拉麵，每碗都係師傅熬足心機嘅作品，重口味友絕對要bookmark～ **✨黑蒜濃厚山藥豚骨拉麵** 黑蒜油香到癲！一上枱已經聞到攻鼻蒜香🌪️，湯底濃到黐唇但完全唔膩，飲到底仲見到膠質啫喱狀精華💦。山藥絲脆卜卜增加口感，叉燒厚切又淋身，溏心蛋流心效果💯！掛湯力超強嘅曲麵吸盡湯汁精華，食完成個嘴仔黏黏哋先係正宗呀～ **🌟櫻花蝦美珍拉麵** 海鮮控必嗌！湯底係蝦乾+魚介熬出嘅琥珀色高湯🦐，鮮甜到好似飲緊海產精華！面頭鋪滿脆口櫻花蝦同紫菜，撈勻食每啖都有海洋香氣衝擊，淡麗派代表之作！ **💥邪惡三寶：炸餃子+吉列炸蠔** ・**炸餃子**：皮脆到咔嚓聲⚡！肉餡爆汁唔油膩，點醋食更醒胃～ ・**吉列炸蠔（兩隻）**：外層金黃薄脆，蠔肉爆Juicy💦！蘸他他醬簡直犯規級好食！ ・**可樂兩罐**：冰凍汽水配濃湯拉麵，爽度直接翻倍❄️💨 **📍總結** 湯控必收嘅隱世拉麵屋！濃湯系夠晒罪惡感，淡麗派鮮得嚟有層次，炸物仲要樣樣脆到心心眼😍 今日開始我嘅灣仔飯堂名單又多一間！ --- **幸屋 (灣仔)**