幸屋

喺灣仔做完嘢，知道附近有間拉麵店，一於入去返碗先。拉麵店環境舒適，坐得舒服。有拉麵有沾麵，一於同同事各叫一碗。🍜 櫻花蝦味噌拉麵一上枱就俾成座「櫻花蝦山」震撼到！湯底用赤味噌混蝦頭熬煮，橙紅色湯汁稠到掛匙！麵條咬落彈牙有麥香，最正係雙豚肉叉燒，厚切腩肉慢煮到入口即化，薄切肩胛肉炙燒到焦邊脆口，夾埋流心蛋黃同脆口木耳絲，非常滋味。🫕 魚介豚骨沾麵經常出現的話題，拉麵vs沾麵，倒不如各點一款比較一下。沾麵湯底稠到可以掛企匙羹，魚介嘅煙燻香撞豚骨嘅膠質。而沾麵底屬粗麵，冰鎮過上枱，咬落非常Q彈，夾一束浸落熱辣辣湯汁3秒——掛汁力爆燈！另外，配料嘅慢煮叉燒腍到離譜，糖心蛋流汁撈湯更邪惡。🥢 小食- 冷豆腐：凍豆腐淋鰹魚汁，面頭灑上木魚花，夾埋青瓜絲同蔥花，非常清新。- 芝士年糕：流心芝士湧出嚟！外糯內流心嘅雙重口感，記住趁熱食，凍咗會變芝士橡膠波㗎！後感：食幸屋，真幸福。…查看更多

灣仔捐窿捐罅搵到間拉麵居酒屋，面積唔算好大，勝在樓底高，感覺空間闊落左😆，佢哋做緊優惠，一碗拉麵再加$28就可以配小食一份同汽水，呢個套餐食落都幾飽，味道又唔錯喎👍🏻🍜帶子鰹魚湯赤雞胸拉麵 $108 :我就嗌咗兩個拉麵，其實佢哋嘅賣相都幾豐富，配料都相當多😍，好似呢一款拉麵除咗有雞胸同帶子之外仲有海帶，蘆筍，木魚等，湯底比較清淡，我就覺得味道啱啱好，唔會死鹹，麵軟硬適中👍🏻，佢嘅雞胸真係做到冇額外添加又唔靭👍🏻👍🏻👍🏻，帶皮食都絕對唔覺肥，推薦推薦🙌🏻🙌🏻🍜櫻花蝦味噌拉麵 $88 :另外呢款就係跟咗豚肉嘅櫻花蝦拉麵，櫻花蝦嘅份量都幾多😍，撈埋食絕對夠晒香口，豚肉腍身又入味，都係唔錯嘅選擇😋🍠紫薯栗子餅 +$28 :最後小食方面我哋揀咗栗子餅，佢炸到表面金黃色超酥脆🤤，裏面被整個紫薯包圍住，仲要食到粒粒栗子，夠晒真材實料👏🏻🥟炸餃子 +$28 :餃子都炸得唔錯，粒粒金黃色，食落餡料唔乾身，皮夠薄，最緊要唔會油霖霖😌…查看更多

今次去到灣仔小巷入面嘅「幸屋」，一間專賣日式拉麵嘅小店。位置有啲隱世，店內裝潢木系風，客人一坐低就感受到當中日本的風情，十分令人期待。醬油北海道元貝拉麵湯底濃郁帶點甘香，入口順滑唔死鹹，配上鮮甜嘅元貝，海味同醬油底味互相融合，味道相當鮮明。麵條煙韌有咬口，掛湯力足，每啖都帶住鮮香，而配料都好豐富有紫菜，糖心蛋，荀，仲有健康既菜。赤武士辛味拉麵湯底帶微辣兼有香料味，辣度唔算過火，特別啱鐘意濃味感嘅朋友，燒肉炙燒得洽到好處，入口即化。炸餃子炸餃子外皮香脆，包裹住肉餡飽滿又多汁，熱辣辣上枱時最正，配埋餃子汁更好食。吉列炸蠔蠔肉鮮甜肥美，外層炸漿薄脆，咬落先係酥，跟住係蠔嘅軟嫩鮮香，完全冇腥味。…查看更多

#fatchubelly灣仔 幸屋 (灣仔) 💥 赤武士辛味拉麵 叉燒厚切又入味 💯份量亦都好多😳湯底又濃郁又辣 仲要係有層次嘅辣！麵條彈牙 食到出汗都唔停得口！😂💥 醬油北海道元貝麵 醬油湯底好香👍🏻調味啱啱好 唔會太鹹元貝亦好鮮甜 咬落去仲有啲爆汁感！麵條吸晒湯 每啖都好有誠意🥰🥰💥 炸餃子& 吉列炸蠔炸餃子脆卜卜 餡料夠足🤩炸蠔外脆內鮮 冇腥味一啖爆汁好滿足！😈配埋汽水同拉麵一齊食 真係好正！👏🏻幸屋 (灣仔) 灣仔機利臣街5-9A號維昌大廈地舖…查看更多

行過灣仔，突然想食沾麵，就同朋友試吓呢間幸屋。地點都幾方便，唔使排隊就入到去，啱晒我呢啲怕等位嘅人。一睇餐牌，選擇都幾多，最後叫咗兩個唔同嘅麵試吓。🍽️魚介豚骨沾麵：沾麵嘅靈魂當然係個汁，呢個魚介豚骨湯底超濃厚，魚介嘅鮮味同豚骨嘅香甜味撈埋一齊，真係不得了。麵條好有咬口，掛汁力一流，每啖都食到濃濃嘅湯底味，好滿足！另外叫嘅紫薯栗子餅都好有驚喜，外皮炸得好脆，入面嘅紫薯同栗子蓉香甜軟糯，配埋可樂，好夾！🍽️帶子鰹魚湯赤雞胸拉麵：朋友叫嘅呢款拉麵，湯底相對清甜，帶子嘅鮮味同鰹魚嘅香氣好突出，啱晒鍾意清淡口味嘅朋友。雞胸肉煮得啱啱好，唔會太柴，肉質好嫩滑。炸餃子都唔錯，外皮炸到金黃酥脆，內餡都幾juicy，唔錯嘅配菜。…查看更多

今日同朋友一齊去灣仔整文件，朋友帶我去食幸屋拉麵店！覺得幾好食😋推薦俾大家～入到去裝修好有日本懷舊居酒屋感覺😍見佢新出咗味噌廣島蠔雞湯拉麵🍜好吸引！美食⭐️⭐️⭐️⭐️⭐️🩵櫻花蝦味噌拉麵🩵味噌廣島蠔雞湯拉麵🩵冷豆腐🩵芝麻手羽📍 幸屋灣仔機利臣街5-9A號維昌大廈地鋪…查看更多

藏喺灣仔後街, 門面低調! 雞胸拉麵雞胸肉嫩滑, 粉紅色嘅肉質完全唔鞋口🍗 麵條掛湯能力一流! 蝦味噌拉麵湯底混入大量櫻花蝦碎同紅味噌, 咸香中帶鮮甜🦐 炸蠔外層炸衣薄脆, 入面蠔肉爆汁鮮甜🦪 灣仔地段嚟講價錢合理! Tucked away in a quiet Wan Chai alley, this low-key ramen spot is easy to miss but totally worth the hunt! The chicken breast is impossibly tender-slow-cooked to pink perfection, never dry! The shrimp ramen’s broth is packed with crunchy sakura shrimp flakes and red miso— savory with a sweet, briny finish.————————————————食物 Food:❀ 帶於鰹魚湯赤雞胸拉麵 $136 Chicken Paitan Ramen with Bonito❀ 櫻花蝦味噌拉麵 $116Sakura Shrimp Miso Ramen❀ 吉列炸蠔(兩只)Fried Oysters (2pcs)❀ 炸雞(兩只)Karaage Fried Chicken (2pcs)————————————————幸屋 (灣仔)📍地址 Address:灣仔機利臣街5-9A號維昌大廈地鋪⏰營業時間 Opening hours: Mon-Sat 11:00-16:00, 17:30-22:00…查看更多

經開灣仔，特別好想食啲特色嘢，今日嚟到📍幸屋，幸福滿載🫶🏻🫶🏻特別係食得好味嘅拉麵，配上生啤😍［食後感］📝1. 生啤清爽的啤酒🍻是完美的搭配，特別是在享用濃郁的拉麵🍜時。2. 櫻花蝦味噌拉麵🍜味道獨特的拉麵，櫻花🌸蝦的鮮味和味噌的濃郁相結合，垂涎欲滴。3. 芝麻手羽🐥香脆可口的手羽，芝麻的香氣更增添了風味。幸屋 (灣仔)@yukihouseco 📍地址灣仔機利臣街5-9A號維昌大廈地舖…查看更多

位於灣仔機利臣街的幸屋，是一間藏身小巷的日式拉麵店，環境簡潔，帶點居酒屋的親切感。當晚品嚐了四款菜式，各有特色。黑蒜濃厚山藥豚骨拉麵湯底香濃，黑蒜甘香，豚骨湯底濃而不膩，拉麵彈牙，整體味道層次分明。肉量亦很多，有一大片豚肉，還有日式叉燒。味噌廣島蠔雞湯拉麵以味噌湯底為主，廣島蠔蠔味味突出，雞湯底溫潤，與蠔的鮮甜互相襯托。食材豐富，除了有幾顆廣島蠔，還有雞胸肉、唐心蛋、紫菜、筍等等。吉列炸蠔外皮酥脆，蠔肉飽滿，入口鮮香，油炸火候掌握得宜，不覺油膩。炸餃子皮薄餡香，三隻份量剛好，作為配菜恰到好處。…查看更多

好友約我放工後，去位於灣仔機利臣街5-9A 號維昌大厦地舖的《幸屋》食日本拉麵，小店形式經營，樓底高，裝修充滿日本風格。我地點左：🥢帶子鰹魚湯赤雞胸拉麵 配紫薯栗子餅（一件）+可樂 $136拉麵賣相吸引，材料豐富，湯底清甜，兩隻帶子飽滿嫩甜，雞胸嫩滑好味；紫薯栗子餅香脆可口，紫薯香甜栗子好味，口感豐富。🥢胡麻黃豚骨拉麵配炸餃子（三隻）+雪碧 $108胡麻黃味香濃郁，豚骨軟腍入味，拉麵軟硬適中又彈牙；餃子炸得香脆可口，餡料飽滿，好味又好食。…查看更多

好耐無去過咁純粹既餐廳簡簡單單類似家庭式經營, 少左陣大集團既味道待客之道無需花巧都份外感受到由心既禮貌員工之間互相尊重既氣氛其實食客都係感受到的食物質素同份量與價錢比較, CP值偏高櫻花蝦味噌拉麵湯底以赤味噌融合蝦頭慢熬,呈現濃郁橙紅色澤,稠密到能掛在湯匙上,頂層鋪滿滿滿櫻花蝦,鮮香撲鼻亮點在於雙重豚肉叉燒 - 厚切五花腩經慢煮入口即化,油脂香濃;薄切肩胛肉經炙燒,邊緣焦脆,香氣四溢搭配流心蛋黃與爽脆木耳絲,層次豐富, 濃而不膩帶子鰹魚湯赤雞胸拉麵湯頭以北海道帶子與鰹魚熬製, 顏色金黃透亮,完美平衡海洋清甜與雞湯溫潤赤雞胸慢煮至粉嫩滑順麵條吸汁力強,啖啖湯汁,令人忍不住「嗦嗦」清碗炸雞件炸漿薄脆, 包裹著嫩滑多汁的雞肉, 外脆內嫩快速高溫油炸鎖住肉汁,每一口都香脆可口紫薯栗子餅紫薯與栗子完美融合,口感綿密,甜而不膩,係完美的小甜點收尾…查看更多

呢間藏身於灣仔小巷嘅拉麵店，位置座位偏少，環境充滿日式風格，餐廳主打日式拉麵、丼飯、小食、酒，而拉麵嘅粗硬度及濃度可以按照自己嘅個人喜好去選擇✨見到咁多人推薦呢間，今次終於同朋友去試下呢間！同朋友係餐廳傾咗好耐偈，店員一直幫我地refill水，超級好人又窩心！🥹✨櫻花蝦味噌拉麵 $88推薦度：9.2/10湯底有大量櫻花蝦，有啖啖櫻花蝦味，湯底香濃鮮甜，有兩塊半肥瘦叉燒，叉燒入口即融，拉麵配上木耳絲、椰菜、蔥花，整體好豐富又好夾！🥳✨魚介豚骨沾麵 $98推薦度：9.1/10朋友叫嘅豚骨沾麵，湯底味道偏濃，湯沾滿每一條麵，麵條偏粗好煙韌，半肥瘦叉燒口感軟嫰，配料夠豐富，有筍乾、黑木耳、溏心蛋！🩵…查看更多

灣仔巷仔拉麵店灣仔巷仔入面有間掛咗顯眼紅燈籠既拉麵店，舖頭裝修溫馨日式。櫻花蝦味噌拉麵成座山咁嘅櫻花蝦鋪滿拉麵，湯底係赤味噌加蝦頭煮成，角主豚厚切大塊，拉麵麵質彈牙適中。帶子鰹魚湯赤雞胸拉麵赤雞胸慢煮到粉嫩，帶子鮮甜，湯底濃郁，加埋糖心蛋，新鮮美味。日本赤雞丼雞肉皮煎到香脆，份量正常，整體合理。加咗小食炸雞同埋紫薯栗子餅。炸雞雞肉嫩滑，紫薯餅入面有粒粒紫薯同栗子，口感豐富。餐廳免加一，食物質素發揮不錯，店員親切友善。…查看更多

🔎幸屋（灣仔）琴晚同閨密去咗灣仔呢間「幸屋」食拉麵！一入到去就覺得好有日本居酒屋嘅feel紅色燈籠同布簾，好有氣氛～🎐我哋叫咗兩碗拉麵，仲有冷豆腐同和風餃子🥟首先講個胡麻王豚骨拉麵，個湯好濃郁～仲有陣好香嘅胡麻味！每日新鮮製造🤣豚肉好淋好入味，麵條口感都幾彈牙🤤 仲有個帶子鰹魚湯赤雞胸拉麵，湯底好鮮帶子好新鮮，雞胸肉都幾嫩滑兩碗拉麵都好正，完全冇失手～✨冷豆腐好滑溜，配埋個醬汁，好清新～🥢 和風餃子都幾香口，外皮脆卜卜，內餡都幾足料兩個人食到好飽，性價比幾高㗎！呢度仲有得飲Sapporo生啤下次想chill下，都可以再嚟試下飲酒食小食🍺…查看更多

位於灣仔嘅幸屋門外掛上紅燈籠店內充滿日系裝潢除左拉麵外，仲有沾麵、丼飯、定食同小食試咗呢度嘅沾麵．有驚喜✨魚介豚骨沾麵湯汁熱辣辣．味道濃郁亦唔會太鹹鍾意呢種粗身嘅麵質．口感豐富加入魚介之外．仲有流心嘅溏心蛋．紫洋蔥．椰菜等配料．日本嘅香蔥真係特別新鮮香脆✨蒜香雞軟骨即炸嘅雞軟骨特別香脆加入粒粒炸蒜．充滿蒜香味．嚼勁十足✨Sapporo生啤啤酒之中最好飲真係日本嘅Sapporo冰凍夠汽又容易入口$48 /500ml 超大杯$99/3杯 同朋友嚟Happy Hour 就啱哂啤酒配埋小食真係好正…查看更多