影片
更多
2025-05-27
391 浏览
船街隱世小店，中西fusion菜，原來呢條街晚上好熱鬧，成條街都好多外籍人士喺度傾偈飲酒食晚餐🤩成個氣氛都好正㗎！七點去到坐滿晒人，所以建議book位香煎魷魚鬚非常之值得推介，佢哋嘅魷魚鬚超級香軟，一啲都唔韌，落咗少少鹽輕輕調味已經好香，上面仲鋪滿咗粒粒鮮味三文魚子，同魷魚鬚一齊慢慢放入口係多重口感享受。21天熟成厚切豬扒差唔多大過我塊面實在太屈機，睇落去冇咩特色，但係切開真係好正，超級超級厚身，所以咬落去超有口感。邊邊位置嘅脂肪比較多，嗰個位先至最正，由於脂肪比例較高咬落去爽口有陣陣油香，超級好食，而且份量好多可能三個人都夠食。特色卡邦尼意粉配上風乾火腿、西式臘肉、香蔥、芝士粉等等調味，味道鹹香同平時勁多汁嗰啲完全唔同，有少少好似炒過嘅感覺。佢哋嘅蛋醬超香濃，鹹香味道同意粉混合yumm
香煎魷魚鬚
非常之值得推介，佢哋嘅魷魚鬚超級香軟，一啲都唔韌，落咗少少鹽輕輕調味已經好香，上面仲鋪滿咗粒粒鮮味三文魚子，同魷魚鬚一齊慢慢放入口係多重口感享受。
21天熟成厚切豬扒
差唔多大過我塊面實在太屈機，睇落去冇咩特色，但係切開真係好正，超級超級厚身，所以咬落去超有口感。
邊邊位置嘅脂肪比較多，嗰個位先至最正，由於脂肪比例較高咬落去爽口有陣陣油香，超級好食，而且份量好多可能三個人都夠食。
特色卡邦尼意粉
配上風乾火腿、西式臘肉、香蔥、芝士粉等等調味，味道鹹香同平時勁多汁嗰啲完全唔同，有少少好似炒過嘅感覺。佢哋嘅蛋醬超香濃，鹹香味道同意粉混合yumm
张贴
