Hami Harmony (已結業)

難得晏晝有時間，諗住去花墟行下，行之前梗係去醫左肚先，有朋友就介紹Hami Harmony，歐陸式裝修，坐得舒服又有氣氛，人都開心啲。白酒忌廉煮青口 $98前菜叫左一份青口，份量非常多，白酒忌廉汁同青口好夾，仲配埋沙律，好開胃。日本帶子黑松露什菌意大利飯 $145意大利飯煮得啱啱好，有咬口但唔會太生，配料亦非常多，帶子大粒鮮甜，最好係黑松露味道控制得好好，香濃之餘唔會太搶。原隻開邊虎蝦配自製鮮茄寛麵 $128虎蝦非常大隻，爽口彈牙，最特別係自家製闊條麵，同平時食開嘅好唔同，比較厚身，口感非常好，亦好掛汁，蕃茄醬汁酸酸甜甜好開胃。