幸屋

营业中

休息中

平時返工都會嚟食嘅餐廳，舒適溫馨。鄰近地鐵站，裝修舒適、座位間有一定距離，店員有禮，食物價錢相宜。 ✦ 魚介豚骨沾麵沾麵麵身彈牙有咬口，湯底非常濃郁，適合喜歡重口味嘅朋友。豚肉大大片、厚切，燒成焦脆邊。配料充足，尤其流心蛋處理得相當好。 ✦ 黑蒜山藥拉麵麵質相對沾麵稔，湯底比一般拉麵厚重、蒜味好突出，同樣配搭厚切豚肉及流心蛋。 ✦ 冷豆腐豆腐嫩滑、帶豆香，配搭青瓜絲同香葱，值得一食嘅開胃小菜。✦ 雞皮餃子外脆內嫩，外面炸成焦脆、有油脂香，內層嫩滑多汁。